يا حقوق الانسانية

يا حقوق الإنسانية
(عبدالفتاح العرضي)

يا حقوق الإنسانية فينك تايهة عليه من كل الدنيا ديه
نسياني من سنين
بتلفي كل الارض بطولها او بالعرض بتغطي الناس من البرد
وفيتاني حزين
يا حقوق الانسانية قولي لي في شرع مين
***********
بيوتنا ليه بتنهار ويصيبنا خراب ودمار وليلنا يبقي نهار
من الضرب والحروب
ما في شارع في حارة الا وفيه الف غارة وميت جثة امارة
وحزن مالي قلوب
يا حقوق الانسانية ايه تاني كمان مكتوب
************
مكتوب نبقي عبيد في بلادنا واحنا السيد وكمان نمد الايد
علشان نكسب حقوقنا
ولا نعيش بين جراح ونقول راح اللي راح مش مكتوب ليه نرتاح
ويموت اللي سرقنا
يا حقوق الانسانية بزياداه اللي دوقنا
***********
احنا خدنا قرارنا الارض دي في دارنا والنور دا من قمرنا
والشمس دي شمسنا
منها ناخد لهيبنا ونحرق اللي غاصبنا واللي رافض يسيبنا
هيموت علي ارضنا
يا حقوق الانسانية قولناها كلنا
***********
مش هنسيب شبر منها ولا غيرنا راح يسكنها ولو متنا عشانها
شوية عليها احنا
راح افضل فيها ابني وان مت يكمل ابني وحبها مش هيسبني
لوحتي راحت روحنا
يا حقوق الانسانية دي بلادنا هي طموحنا

احساسك
جميل اوى يا عرضى
قصدى يا وطنى
فعلا انتى وطنى اوى واحساسك عالى اوى
احمد عبدة

ربنا يخليك بجد
وان شاء الله بالتشجيع الحلو ده
اقدر اقدم حاجات احسن وافضل

شكرا لمرورك الكريم

جميله بجد تسلم وان شاء الله لنا وقفه مع الاشعار الخاصة
بس بجد جميله وتحياتى ياشاااااااااااااعر يامتألق

ربنا يخليك ويكرمك يارب

ومتشكر جدا علي الكلام الحلو ده

بس يعني ايه لينا وقفة مع الاشعار الخاصة

مش فاهم الجملة

يعني الوقفة دي حلوة ولا وحشة يعني

بس المهم شكرا قوي علي مرورك

ونورت الموضوع

لنا وقفه بمعنى مش لازم نعدى على الشعر الخاص ومنديش صحبه حقه
لانى ساعات بمر على الموضوعات ولضيق الوقت بيبقى نفسى اقول كتير فى موضوع معين بس
الوقت عامل بيحكم حركتى فى المنتدى
فهمتنى
يعنى كلمة شكرا بس مش كفايه لازم احييك انقضك اقول اللى عندى كله
تقبل تحياتى

ايوه ايوه
فهمت بس ياريت والله
اصل اكيد هنتعلم من بعض واكيد هستفيد كتير لما
حد بيفهم فعلا ينقضني او يقول رأيو فيه
وفي الكلام اللي انا قايله
بجد اتمني ان ده يحصل
وشكرا يا ادمن
وربنا يعينك

مشكوووووووووووووووووووووووووووور

زائر

مشكور يا عبده باشا على الموضوع الجامد طحن