الموت ولا الحياه؟

بسم الله الرحمن الرحيم

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !! !

و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!!

سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!!

كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!!

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!

رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!

ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي!!!!

طبعا القصيده دى للرائع صلاح جاهين
يارب تكون فيها حاجه مفيده
وتعجبكم

الله الله الله عليك
جـــــــــــــامد من يومك عاشق
عشتا زخرا للمنتدى ولمرصفا
عجبي !!!

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

زائر

الكلمات تحفة ومن الجميل انك تنقلهالنا لانها بتعبر عن الحياة دلوقتى وعجبتنى كلها وبالاخص

ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

حااااااااااااااااااااااااااااااااااااااااااااسب
حــــــــــــــاسب من الاحزان وحاسبــــــــــــــــــــــــــلها
حاســــــــــــــــــــــــب على رقبيك من حبـــــــــــــــــــــــــــــــــلها
راح تنتـــــــــــهى ولا بد راح تنـــــــــــــــــــــــــــــــــــــــــــــــــــــــــــــتهى
مــــــــــــــــــــــــــش انـــــــــــــــــتهت احــــــــــــــــزان من قبلــــــــــــــــــــــــــــــــها
وعجبى
الرائـــــــــــــــــــــــــــــــــــــــــــــــع
صلاح جاهــــــــــــــــــــــــــــــــــــــــــــــــــــــــــين
والاروع
عاااااااااااااااااااااااااااااااااااااااااشق
الشعر

احمد عبدة

مشكورين يجماعه جميعا على مروركم
تقبلو مرورى