عاشق الشعر مشرف على الأقســــام
عدد الرسائل : 336 العمر : 38 Personalized field : وســـــــام : تاريخ التسجيل : 10/04/2008
| موضوع: مولد سيدى الريس الخميس 01 مايو 2008, 22:55 | |
| سيدى الرئيس فى عيد ميلادك التمانين كل سنه وانت طيب واحنا مش طيبين واحنا محكومين واحنا مظلومين واحنا متهانين وياترى يا حبيب الملاين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللى ماتو محروقين فاكر الغرقانين الله يكون فى عونكـــــ_ها تفتكر مين ولا مين فى عيد ميلادك التمانين بقولك كلمتين الاوله شيلتنا الطين وهل تعلم ان النيل بقىرشاح والجو اصبح بيئه والعيشه ولعه
والشرفا قلوبهم عالبلد والعه
وانت عاملهم مذبحه ولا بتاعت القلعه والاقتصاد سداح والسرقه بقت كفاح ومصر متاحه بس للسياح وعرض البلد بقى مستباح والتانيه ورثتنا الويل دا الخطوه فى عهدك بقت ميل والضحك بقى نواح وعويل والكوسه عارف الكوسه ممكن اقولك فيها مواويل والجامعه بقت يا اما كباريه او دار مسنين والشباب معظمهم من غير خمره سكرانين والعلم عز على المتعلمين والاساتذه بقم دجالين والقاده بقم طبالين وادينى فى الهايف يا حبيب الملاين والتالته عارف اليابانين زمان فى سنة اتنين وخمسين كان عندنا تروماى وكان عندنا علم ومتعلمين وثقافه ومثقغين وادباء وعلماء وفنانين وكانو اليابانين بالنووى لسه مضروبين وللصدقه مستحقين دلوقتى احنا فين وهم فيـــــــــن فم فوق واحنا فى اسفل سافليـــــــن والرابعه امن بلدنا بقى تنين والمحاكم اتملت مظاليم والعداله بقت كماله وكلمة الحق فى الزباله واصحابها فى الزنازين والخامسه القطاع العام.... عام والفساد.... ساد وفى جتة بلدنا بيرعى افتكر لجنابك ايه ولا ايه وكل ذكرى ليك بدمعه آآآآآآآآآآآآآه آآآآآآآآآآآآآآآآه انا كنت حالف ميت يمين اكملهم لك تمنين بس هكفيهم ورق منين؟ كل سنه وانت............ واحنا طيبين
احمد فؤاد نجم
| |
|
عاشق الشعر مشرف على الأقســــام
عدد الرسائل : 336 العمر : 38 Personalized field : وســـــــام : تاريخ التسجيل : 10/04/2008
| موضوع: رد: مولد سيدى الريس الخميس 01 مايو 2008, 22:57 | |
| يجماعه اللى يدخل ويقرا يعلق متخفوش الارزاق على اخلاق وبعدين نحن فى بلد الديمقراطيه بس ارجع لقاموس كابو واعرف يعنى ايه ديموقراطيه وربنا يسترها علينا كلنا | |
|
محمد عابد
نائب المدير العام
عدد الرسائل : 695 العمر : 42 Personalized field : وســـــــام : تاريخ التسجيل : 04/04/2008
| موضوع: رد: مولد سيدى الريس الخميس 01 مايو 2008, 23:07 | |
| الله عليك يا احمد فؤاد ويا عاشق الكلام جميل انا بحب الشعر الساخر جدا اخوك محمد عابد
| |
|
ahmadabdooo وسام لاهم الاعضاء
عدد الرسائل : 583 العمر : 40 Personalized field : وســـــــام : تاريخ التسجيل : 21/04/2008
| موضوع: رد: مولد سيدى الريس الجمعة 02 مايو 2008, 12:55 | |
| اللــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه اية الجمال دا يا عاشق قصيدة معبرة من عمنا كلنا احمد فؤاد نجم النجوم وخيرة هذا القوم من العالم الساخرة ويا ريت تجبلنا من دا كتير اخوك احمد عبدة | |
|
Abu Mohanad Admin
عدد الرسائل : 2931 العمر : 46 Personalized field : وســـــــام : تاريخ التسجيل : 28/03/2008
| موضوع: رد: مولد سيدى الريس الأحد 04 مايو 2008, 03:56 | |
| ربنا يستر علينا بس سيبك انته القصيدة ممتازة والارزاق على الله
| |
|
عاشق الشعر مشرف على الأقســــام
عدد الرسائل : 336 العمر : 38 Personalized field : وســـــــام : تاريخ التسجيل : 10/04/2008
| موضوع: رد: مولد سيدى الريس الأحد 04 مايو 2008, 14:40 | |
| مشكورين جميعا على المرور وفعلا يا اخ ادمن الارزاق على الله ربنا يتولانا برحمته جميعا تقبلو مرورى | |
|