المركب اللى ليها ريسين بتـــــــــــــــ........................!

عندك حق يا "إليسا".. ده سيد قراره

اقتربت عقارب الساعة من الخامسة مساءً.. والجو أصبح ملبداً بالغيوم و"ريهام" ما زالت تنظر من شرفة غرفتها في انتظار
منظر غروب الشمس.. وفجأة رنّ تليفونها المحمول بأغنية "إليسا":
(خد بالك عليا..
دي مش معاملة تعاملني بيها..
وابقى افتكر ليا..
أيام تعبت عشانك فيها)
المخصصة لحبيبها.. ضغطت "ريهام" بقسوة على الزر الأخضر قائلة بقسوة: "أفندم"!!
أجابها الحبيب: "إزيك.. عاملة إيه"؟!
أجابت والدموع تحبس صوتها: وحشة جدّاً.. وخلاص تعبت، ومش قادرة أكمّل!!
رد عليها: ليه بتقولي كده؟ هو كان إيه اللي حصل؟!!
تماسكت وردت بثبات: "بصراحة أنا مكنتش هاتكلم، بس بصراحة مش قادرة أخبي أكتر من كده، لازم تعرف إن أنا عمري ما حسيت معاك إن ليّ رأي، وإني من غيرك ولا حاجة، ولا أعرف من غيرك أمشي خطوة واحدة، وكأنك صاحب الفضل إن أنا لسه عايشة في الدنيا لحد دلوقتي.. دايماً رأيك هو اللي بيمشي، وأنتَ اللي بتقرر نروح فين ونيجي منين، وأنتَ اللي بتحدد التوقيت اللي ممكن نتقابل فيه، حتى لو ظروفي ما سمحتش... نفسي أحس إني باشاركك في أي حاجة، أنا مش شايفة إني ليّ أي دور خالص، أقولك؟ اسمع أغنية "إليسا" الجديدة:
"خد بالك عليّا..
دي مش معاملة تعاملني بيها..
وأبقى أفتكر ليا
أيام تعبت عشانك فيها..
يا ريتك بس تفهمني وماتستهونش
بواحدة تبقى مجروحة وما تبينش..
دي الواحدة قد ما تضحي وتستحمل
أول ما بتفكر تنسى ما بتستأذنش..
كان في حاجات نقصاك وانا كملتها
وحاجات كتير مش حلوة فيك جملتها..
أنا فرصة لو ضيعتها هتزعل عليها".
وقبل ما تقفل السماعة قالت: أعتقد دلوقتي فهمت أنا عايزة أقول لك إيه!!..

أنا والنجوم وهواك

عاد من عمله منهكاً رافضاً حتى أن يأكل من يد ست الكل.. ومفضّلاً أن يجلس بغرفته يشكو لجدرانها قسوة الحبيب.. امتدت يده على الراديو الصغير وأشار المحرك على نجوم FM؛ ليسمع صوت "أسامة منير" الدافئ قائلاً: "النهاردة هنتكلم عن الحب وسطوة الحب بين الطرفين".
رفع السماعة وضغط على الأزرار وبأعجوبة شديدة وجد الخط غير مشغول و"أسامة" بيرد عليه، وبيقول: معانا اتصال ونقول: ألووو...
ردّ وكأنه أمام لجنة امتحان الثانوية: أيوه يا "أسامة".. وبدون مقدمات دخل في الموضوع: رغم إني مش باحب حد في الدنيا زيها، بس هي مش مقدرة المجهود اللي باعمله علشانها، ودايماً محسساني إنها المُضحية في سبيل سعادتنا، وكمان جاية على نفسها باستمرار وعلى سعادتها.. وفي كل لقاء يجمعنا أو تليفون بيننا... لازم أسمع كيف ضحت بزهرة أيام عمرها، وكيف تنازلت عن كل وأقل حقوقها من أجل ذلك البني آدم.. اللي هو أنا يعني، رغم إني باحاول إني أوضّح لها كل ظروفي وإن كل اللي أنا باعمله ده علشان خاطرها إلا إنها على طول عايشة في دور الشهيدة، وكتير باحاول أشاركها معايا، وأحاول أكون لطيف معاها، والله..
قاطعه "أسامة": صديقي العزيز أنا حاسس بيك، وعارف أنتَ بتتعذب قد إيه.. ويا ريت تعمل زي ما المطرب "محمد فؤاد" بيقول:
"وأنتَ جانبي باحس إني ملكت كل الكون واللي فيه..
أوصف إيه؟ اللي في عيونك صعب أتكلم عليه..
ده أنتَ قلبك لو ما حسش بيّ يبقى حرام عليه..
حرام عليه"..

على كل لون يا باتيستا:

للسيطرة وعدم التعاون في الحب أشكال وأنماط كتييييير.. نذكر منها على سبيل المثال وليس الحصر أنه مثلاً فيه ناس كتير قويييييييي بتحب تحس إنها الكل × الكل، وإن الأمور تقف لو هي ما صدّقتش عليها، وده بيرجع لإحساسها الدائم بأنها القائد والموجه -أنا المديييييييييييير- وده ساعات كتير بيؤدي لاختناق أي علاقة؛ لأن الطرف الآخر بيشعر بمنتهى الاستهتار به وبقيمته وإنه ولا حاجة.. وده بيكون شعور في منتهى القسوة على الطرف الآخر..

خد من ده كتيييير.. عندك مثلاً: السيطرة على الحبيب في إبداء الرأي: "أنا كلمتي ماتنزلش الأرض أبداً.. (حنفي)".. وكمان في الكلام مع الآخرين: "أنا مش عايز أشوفك بتكلمي أي حد في الدنيا غيري".. ويا سلام بقى في الفلوس: "هو أنا مش لسه مأكّلِك درة مشوي ومشربك حمُص الشتا اللي فات؟.. ولا أنتِ غاوية بعزقة فلوس وخلاص؟... وبالنسبة للأكل: "أنا عايزك تاكلي نونو نونو علشان ما تتخنيش".. وفي اختيار الملابس: "أنتِ لازم تلبسي اللي أنا هاختاره ليكي".. وفي التفكير: "سيبِك من كل اللي بيقولوه، واسمعيني أنا بس".. وإلخ إلخ إلخ.
يمكن أن يكون من أكثر وأكبر المشاكل بين أي اثنين أن يكون أحدهما مسيطراً على الآخر.. وده كتير يؤدي لطريق الفشل.. أيوه الفشل.. ودلوقتي بعد ما استعرضنا بعض أشكال السيطرة اللي ممكن تقابل أي واحد منا.. لا بد أن يكون هناك حل.

مقادير التعاون × الحب

على طريقة الشيفات ممكن إنك تحضر أو تحضري نفسك كويس، وتلبسوا مريلة الحب، والزعبوط الأبيض الطويل.
المقادير:
يمكن المقادير اللي هتستخدموها غالباً هتكون ثابتة مثل:
- جرام واحد جراءة.
- طن ثقة بالنفس.
- كوكتيل من الكرامة وعزة النفس والكبرياء.
- كيلو جرام من التفاهم.
- وحوالي 50 كوباية احترام لرأي الآخر.
- (حلة) إعطاء فرصة للرأي الآخر.
- (أطباق) تعلُّم آداب المشورة والتحدث مع الآخر واحترامه.
- المشاركة في الأفراح والأحزان.
- ومفيش مانع من معلقتين تنازل؛ من أجل استكمال المسيرة.

تعالوا نروح لطريقة التحضير.

.

س: القفّة أم ودنين يشيلوها كام؟!

ج: كانت جدّتي -رحمها الله- تكرر لي: (القفّة) -مش أنا طبعاً- قصدها القفّة بتاعة زمان اللي ليها ودنين، ولازم يشيلها اتنين، أهو الحب كده برضه قفة كبيييييييييرة، وبودنين فلازم اللي يشيلها الاتنين.. الحب تعاون بين الطرفين، وتفاهم يسير في اتجاه المصلحة العامة، يعني لازم كل واحد فينا مايكونش همه مصلحته ونفسه وبس.. لأ.. طبعاً لازم يكون فيه رأي آخر ومشاورة بين الطرفين.. لازم نعوّد نفسنا مرة نيجي على نفسنا، ومرة نمشّي رأينا... ما هي الحياة مش بمبي على طول، وإلا هنبقى بنخدع نفسنا، لكن ده مش معناه إن أنتَ أو أنتِ اللي تستبد برأيك دايماً.. وإن القرار النهائي لازم يكون خارج منك.. لأ لأ لأ الكلام ده عفا عليه الزمن خاصةً بعد "سعاد حسني" ما قالت: (البنت زي الولد.. ماهيش كمالة عدد).
نكمّل طريقة التحضير..
لازم نتفق إنه لا سيطرة في الحب، وإنما الشيء المحتوم والمشروع هو التعاون.. وزي ما قالوا في فيلم "همام في أمستردام": "إيد لوحدها ما تسقفش.. طير بجناح مكسور ما يطرش".. إحنا كمان بنقول لكم إن أي حد لا يقدر على صنع المعجزات ومواجهة تحديات الحياة بمفرده، ولكن بالتعاون والاندماج تستطيع الصمود ومواصلة الحياة.
دلوقتي نقدر نقول: بالهنا والشفا

بس أوع تنسى..

ولازم نعرف إننا في مركب واحدة في عرض البحر، وإن حتماً ولا بد أن ترسو هذه المركب على بر -اللي هو (الزواج)- لذا فإن المركب لا بد لها من قبطانين أو ريّسين وفي الحالة دي.. هتتأكد إن المركب اللي ليها ريًّسين بتـ.. بتمشي.

ولاّ إنتم رأيكم إيه؟؟

يا ترى المركب هتمشي ولا هتغـ...؟!!

ياريت المقادير تكون سهله وفى متناول الجميع وتلاقوها بسهوله
وتكون طريقة التحضير سهله وبسيطه
اظن الموضوع مش مكلف
يارب الموضوع ينال اعجابكم
منتظر ردودكم وتعليقاتكم ولو اى حد عنده استفسار فى المقادير او طريقة التحضير انا مستعد
تقبلو مرورى مشكوووورين

والله انا مش عارف ارد اقول ايه
بس الموضوع جميل
وممكن يتفع ناس كتير اوى
ولكن الغالبيه العظمى نت الحبيبة الان
اسهل حاجه عندهم يقولو
عايز جوباتك خدها
وبلاش تقطيم
وانا شفت ايه فى قربك
الا نواح ولطيم
اخوكم
محمد عابد

موضوع جميل جدا يا عاشق

وفعلا المقادير طبعا واضحة

بس البنت مخلوق رقيق

بكلمة حنينة ممكن تنسي أى ألم الا حاجه واحدة الخيانة

ودي طبعا بتبقي بركان ومحدش يقدر يقف قدامه

مشكور على الموضوع الجميل

أحمــــد ،،،

زائر

انا مش قادرة اعبر عن مدى اعجابى بالموضوع كل حاجة فيه جميلة جدا
وعلى فكرة فعلا المركب اللى ليها ريسين بتغرق مهما كانوا بيحبو بعض
انا بتمنالك التوفيق من قلبى

انا بشكر مرورك
بس صدقينى مركب الجواز بالذات متنفعش بريس واحد
لانها فى الحاله دى هتغرق
واقولك وجهة نظرى
اولا الست متحبش التقيد معاملة سى السيد خاصة ستات اليومين دول
والراجل مبيحبش العناد وبيحب سى السيد
يعنى لو سيبنا الست تبقى الريس متههيقلى هتغرق
ولو سيبنا الراجل يبقى الريس مش هنخلص من المشاكل
يبقى الحل الوسط
ان نخلى المركب دى بريسين بس متفاهمين
ويقدروا ينفذوا الوصفه صح
بس ياريت يكون عندهم المقادير كلها
والله ولى التوفيق اولا واخيرا

انااااااااااااااااااااااااااشد
ادارة المنتدى
متمثلة فى الاستاذ
احمد كااااااااااااااااااااااااااااابو
الاستاذ عماد سليم
ادمن
الاستاذ
محمد سرحــــــــــــــــــــــــــــــــــان
الاستاذ
محمد عابـــــــــــــــــــــــــــــــــــــــــــــد
كما اناشد
كل الاساتذة
المــــــــــــــــــــــــــــــــــــــــــــــــــشرفين
كما اناشد
كل الزملاء الاعضـــــــــــــــــــــــــــــاء
بالوقوف والانحناء
تقديرا واحترااااااااااااااااااااااااااااما
للاخ المبدع المتالق على العموم
وبالخصوص
فى موضوعنا هذا
المركب الى ليها ريسين
عاشق الشعر
حتى نوفية حقة ولو بقدر بسيط
لان هذا الموضوع لو اخذ ماخذ الجد سيكون سبب فى استمرار علاقات اشرفت على الانهيار
ويرمم منازل كانت قد الت للسقوط
ويبعث الحيوية
فى علاقات كانت قد اشرفت على التبلد والجمود
وينعش المحبين
بالخلطة والمقادير السحرية
ورغم كل ما طلبت وكل ما كتبت
حاسس انى لم اوفية حقة
هذا العاشق العملاق
ولا يسعنى الا ان اتمنى لة كل التوفيق

صاحب الراى المتواضع

احمد عبدة

كل التحية لك ياعااااااااااااشق بجد موضوع يستحق التثبيت
وهرجع تانى واقول ليه رائ وهكتبه فى الموضوع
كل التحية للى ساهم وعد الموضوع وكل التحية للى شارك بالرد على الموضوع
والموضوع تم التثبيت له ومش عارف اثبت ايه ولا ايه لك ياااااااعاشق
موضوعاتك كلها محتاجة التثبيت وده اقل تحية لك من إدارة المنتدى

يجماعه والله انا مش عارف ارد خالص على الكلمات دى
بجد انا عاجز عن الشكر
لكم منى جميعا كل الشكر والاحترام
وبشكرك جدا يا اخ عماد وبشكر اسرة المنتدى جميعا على هذا التقدير
ويارب دايما اكون عند حسن ظنكم بيا
ولكم مره اخرى جزيل الشكر
تقبلوو مرورى

موضوع جميل جدا يا عاشق وبجد يستحق كل لاأحترام والتقدير ورأى فى الموضوع :
أن الحب الحقيقى بيجعل الزوج والزوجة أنسان واحد مش أتنين وبكدا يبقى المركب ليها ريس واحد وشكراااااااااااا

ايه الحلاوه دى انت افحمتنا
الله يباركلك يا عاشق

`·.¸¸.·¯`··._.· (جامد جامد جامد جامد) `·.¸¸.·¯`··._.·

`·.¸¸.·¯`··._.· (جامد جامد جامد ) `·.¸¸.·¯`··._.·

`·.¸¸.·¯`··._.· (جامد جامد ) `·.¸¸.·¯`··._.·

`·.¸¸.·¯`··._.· (جامد ) `·.¸¸.·¯`··._.·

~*¤®§(*§ الاميــر §*)§®¤*~ˆ°

تحياتى

غاب عنا فوجب علينا السؤال
نتمنى ان تكون بخير
وتشارك معنا كما عودتنا

السلام عليكم
انا بشكر كل الاعضاء اللى مروا على الموضوع كل با سمه
على المرور والتعليقات الجميله
وبشكر الاستاذ الكبير عماد سليم شكر خاص على ملاحظة غيابى والاهتمام
لك منى كل الشكر والتقدير يا اخى
ولكم ان تلتمسوا لى العذر على غيابى
وان شاء الله اكون معكم باستمرار لان وجودى معكم يغمرنى بالسعاده
وشكرا لك اخى عماد مره اخرى
تقبلو مرورى

زائر

برااااااااااااااااااااااااااااااااااااااافو
براااااااااااااااااااااااااااااااااااافو
برااااااااااااااااااااااااااااااااافو
برااااااااااااااااااااااااااااااافو

براااااااااااااااااااااااااااافو
براااااااااااااااااااااااااافو
برااااااااااااااااااااااافو
@@@@@@
@@@@@
@@@@
@@@
@@
برافو