مره واحد قاعد مع أولاده الخمسه بيتفرجوا على التليفزيون فجأه دخل عليهم واحد وراح دابح
واد من اولاده الأب فضل يضحك الراجل راح ماسك الابن التانى وراح دبحه الاب قعد يضحك
الراجل استعجب راح ماسك الابن التالت والرابع راح دبحهم الاب قعد يضحك وزاد فى الضحك
الراجل راح ماسك الاب وقاله انت معندكش دم خالص داأنا دبحت اربعه من اولادك حس على دمك
الاب فضل يضحك ورد عليه وقال اطلع من دول يابراهيم يانصر .....
******************************
مره اتنين أصحاب قاعدين فى السيما واحد منهم اسمه سمير والتانى اسمه حماده سمير قال لحماده
تدينى جنيه واقوم اضربلك الراجل اللى قاعد هناك ده على افاه سمير قاله ماشى
سمير قام وراح ضارب الراجل على قفاه وقاله ازيك ياعلى عامل فينك ياراجل الراجل رد عليه وقاله
على مين ياعم انت انا مش على رد عليه سمير وقاله لامؤاخزه معلش كنت بحسبك واحد صاحبى اسمه على وراح ماشى سميروخد الجنيه من حماده
سمير : تدينى كمان جنيه واقوم اضربلك نفس الراجل على افاه تانى
حماده : ماشى ورينى
سمير راح ضارب الرجل على قفاه وقاله
سمير : ازيك ياعلىىىىىىىىىى
الراجل : ياعم انا والله مش على مش على مش علىىىىىىىىىىىى
سمير : انا اسف والله معلش كنت بحسبك على
سمير خد الجنيه من حماده وخرجوا من السيما
تدينى : اتنين جنيه واضربلك نفس الراجل على افاه
حماده :بعد ماضربته جوه مرتين على قفاه هاتضربه بره ماشى ياسيدى
سمير راح للراجل وضربه على قفاه وقاله بقى ياعلى واقف هنا وسيبنى عمال اضرب فى الراجل جوه ...
**************
مره واحد قتل قتل 99 واحد وقف امام القاضى بيقوله والله مظلوم برىء
القاضى قاله قتلت 99 واحد وبتقول مظلوم ازاى
القاتل قاله انا هاقولك اللى حصل بالظبط انا كنت راكب عربيه وماشى بسرعة 120 كيلو وفجأه بتكه على الفرامل الفرامل سايبه وقدامى على يمينى راجلين وعلى شمالى مولد اخش فى الراجلين ولا فى المولد
القاضى قاله فى الراجلين طبعا
قاله تمام انا دخلت فى واحد والتانى دخل فى المولد لكن وشرفك ماسيبتوش .....
**************
مره حسنى مبارك بيتكلم مع عاطف عبيد :
حسنى : بقولك ايه ياأبو عبيد أنا هاسألك سؤال بس تجاوبنى بصراحه أنا احسن ولا عبد الناصر؟
عبيد :انت طبعا يافندم عبد الناصر كان بيخاف من اسرائيل وانت مابتخافش من اسرائيل
حسنى : تمام تمام طب انا احسن ولا السادات؟
عبيد : انت طبعا يافندم السادات كان بيخاف من امريكا وانت مابتخافش من امريكا
حسنى : ايوه ايوه طب انا احسن ولا عمر بن الخطاب؟
عبيد : انت طبعا يافندم عمر بن الخطاب كان بيخاف من ربنا وانت مابتخافش من ربنا .....
**************
مره جماعه عمال شغالين فى كنيسه بيبنو سلم وعمالين يقولوا هيلا هيلا صلى على النبى هيلا هيلا صلى على النبى فراح جالهم الاسيس وقالهم :
ايه ياجماعه ماينفعش كده انتوا فى كنيسه سابهم ومشى وبرضه بيقولوا نفس الكلام فضل يكلمهم ويقولهم انه مايفعش كده راح العمال لوحه وكتبم عليها صلى على النبى وعقوها على الحيطه
وفضلوا يغنوا ويقولوا هيلا هيلا بص على الحيطه هيلا هيلا بص على الحيطه ....
**************
مره واحد اعور شاف واحد حلوه جه يغمزها راح لابس فى عمود ....
*************
مره واحد احول عنده حمامه حوله جه يحطها جوه القفص حطها بره القفص الحمامه جت تهرب دخلت جوه القفص .....
*************
مره واحد شحات غلس مر عليه واحد موظف الشحات بيقوله ادينى جنيه يابيه افطر بيه
رد عليه الموظف اتلهى هو انا لسه فطرت
رد عليه الشحات وقاله طب اتنين جنيه وفطرك معايا .....
*************
مره وحده قاعده لوحده فى الشقه جت تستحمه الباب خبط قالت مين . أنا اللبان . لبست هدومها
وفتحتله وجابت منه اللبن. دخلت تانى عشان تستحمه الباب خبط قالت مين . أنا بتاع العيش
لبست هدومها وراحت جابت منه العيش .دخلت تانى عشان تستحمه الباب خبط قالت مين.
أنا البواب .قالت فى سرها اه البواب اعمى لو روحتله واناكده مش هايشوف حاجه راحت فتحتله
الباب راح البواب قايلها مش تباركيلى ياست هانم انا بقيت اشووووووووووووووف .....
*************** فينش***********************
الخميس 18 ديسمبر 2008, 17:19
