ايهما اصعب ؟؟؟ من خواطر احمد عبدة

بسم الله الرحمن الرحيم

اليوم اقدم لكم هذا الموضوع المتواضع

الذى سطرتة بقلبى ليس بقلمى

واتمنى ان يعجبكم
ايهما اصعب ؟الفراق ام الخيانة ام الجرح..؟
ماذا تفعل عندما يبتعد عنك اعز الناس
عندما يبتعد عنك اعز الناس ويتركك تائها وحيدا ليس لك طريق تسلكه..
عندما تبحث عن شخص واحد يفهمك وتفهمه ولا تجد
في هذا الزمان من يمد لك يد العون..
عندما تجدالجميع بعيدين عنك حتى الشخص الذي صادقته وتقبلته..
عندما تصادق وتعز شخص ما....وتصدم في صداقتك له...
عندما يواجهك مأاازق او مشكله ما..فلا تجد اعز الناس الى جانبك
عندما تفقد الامل في الجميع..
عندما تجد نفسك وحيدا وانت في اشد الحاجه لمن يساندك فماذا تفعل ..؟؟
شعور قد يكون مر به الجميع
و تعيش بدون ان تشعر بطعم الحياه
لاادري ايهما اصعب ؟
فقدان العزيز او خيانته او جرحه!!
الفراق اصعب الاشياء عندما تحرم من شخص اصبح كل شىء
في حياتك اصبحت روحه ساكنة بداخلك ودمه اصبح يجري في عروقك
فما رايكم ؟؟
اريد ان اعرف ايهما اصعب
الفراق
الخيانه
الجرح
ولماذا؟؟؟؟

ارجوكم ساعدونى بالاجابة داخل الردود

احمد عبدة

اريد ان اعرف ايهما اصعب
الفراق
الخيانه
الجرح
ولماذا؟؟؟؟

والله يا شق انت جيت على الجرح ودوست عليه

للمره الاولى فى منتدى مرصفا بفتح قلبى وبتكلم بجد

يا احمد التلت كلمات اللى انت جبتهم دول

كل واحده فيهم لوحدها تقتل
وبيتهيئلى ان التلاته مرتبطين ببعضهم

يعنى ايه اللى هيجيب الجرح غير الخيانه او الفراق

وهتسيب حبيبك ليه الا اذا كان فى خيانه

............................................

واحب اتكلم شويه عن نفسى فى الموضوع دا

والله يا شق

وعلى الرغم من الهجص اللى انا بعمله دا

انما فى الداخل فى كميه حززززززززززززززززززززن

تكفى بلد بحالها

ودايما حاسس بالوحده مع ان الناس حوليا كتير

بس فعلا انا ناقصانى حاجات كتير ومش لاقيها

عاوز اعمل حاجه احس فيها انى لاقى نفسى

ومش شرط تكون حب

يا ريت يا شق اكون مطولتش عليك

وكلامى يكون خفيف عالمعده

اولا اشكرك على مرورك وردك

ثانيا وباعترافك لاول مرة تعترف ان جواك

حزن يكفى بلد بحالها

والحمد لله اعترافك كان على ايدى

يعنى انتة اللى على الكرسى مش انا

المهم انك طلعت زينا وعليك بالصبر

لانملك غيرة يا شقيق

ومنتظرين حد يساعدنا

احمد عبدة

ههههههههههههههههههه

ماشى يا شق

شكرااااااااااا ليك مرورك مرة اخرى

ابو حميد

برنس الليالى

احمد عبدة

السلام عليكم ورحمة الله وبركاته
هى ايه الحكايه الرجاله كلها مجروحه ليه كده
متهيقلى يا استاذ احمد ان الفراق والجرح والخيانه
مش هينين على انسان
لكن اذا اردنا الاجابه على اسالتك

اقتباس :

انا عندى الخيانه اصعب
لان الخيانه هى اللى هتسبب اكبر جرح
وجرح الخيانه غير اى جرح تانى مفيش حاجه تقدر تداويه
اما الفراق
فده قدر مش بايد حد
والجرح بردوا ممكن يكون غصب عن الانسان
مفيش حد يحب يجرح حد بيحبه
لان مش معقول الحب هيتقابل بكره
فى حاجات بتكون خارجه عن ارادة البشر
وفى الاخر يعنى اذا كان حبيب او صديق او زوج هيجرحك ازاى غير بالخيانه
الخيانه مش انه يسيبك ويروح لحد غيرك لاء
الخيانه انواعها كتير
لو صديق مثلا اعطيت ليه كل الثقه وكل الحب وكل الاسرار
وخانها اكيد هيجرحك وعمرك ما هتقدر تنسى صداقته ولا جرحه
دا مثل بسيط وصراحه استوحيته من ردودك فى كرسى الاعتراف
كده نوصل اننا نخرج الفراق من اللعبه هو صعب لكنه قدر
وتبقى الخيانه هى الاصعب
ياريت اكون قدرت اجاوب عليك
دومت بخير متألقا

اما الفراق
فده قدر مش بايد حد
والجرح بردوا ممكن يكون غصب عن الانسان
مفيش حد يحب يجرح حد بيحبه
لان مش معقول الحب هيتقابل بكره
فى حاجات بتكون خارجه عن ارادة البشر
وفى الاخر يعنى اذا كان حبيب او صديق او زوج هيجرحك ازاى غير بالخيانه
الخيانه مش انه يسيبك ويروح لحد غيرك لاء
الخيانه انواعها كتير

هذا جزىء من رد الاخت زهرة
والرد فى مجملة منطقى وجميل بس لى
تعليق انتى بتقولى ان الخيانة مش ان الحبيب يسيبك ويروح لغيرك متهيالى قصدك
انة مش بس ان الحبيب يسيبك ويروح لغيرك وبعدها باقى اجابتك
لان من اكبر انواع الخيانة ان الحبيب يسيبك ويروح لغيرك

اشكرك على مرورك واتمنى لكى دوام التالق اخت زهرة

احمد عبدة

طبعا يا استاذ احمد اصعب انواع الخيانه ان الحبيب يسيبك ويرح لغيرك
بس فى الحاله دى مش من حقك تزعل لانه اصلا مكنش بيحبك
وكمان انا حبيت اعمم نقطة الخيانه
لان معظم الناس بتقصرها على الاحبه
مع انها موجوده فى حاجات كتير
ياريت تكون فاهمنى
دومت متألقا

وجهة نظر تستحق الاحترام اخت زهرة

اشكر لك تفاعلك مع الموضوع

ودمتى متالقة كما انت دوما

احمد عبدة