يا شعبى يا حبيبى شعبى يا حبيبى ياروحى يا بيبى يا
حاطك فى جيبى يا بن الحلال يا شعبى يا شاطر
جابر خواطر يا ساكن مقاير وصابر وعال يا
واكل سمومك يا بايع هدومك يا حامل همومك و
وشايل جبال يا شعبى اللى نايم وسارح وهايم وفى
الفقر عايم وحاله ده حال أحبك محشش مفرفش
مطنش ودايخ مدروخ وآخر انسطال أحبك مكبر
دماغك مخدر ممشى أمورك كدة باتكال وأحب
اللى ينصب وأحب اللى يكذب وأحب الى ينهب
ويسرق تلال وأحب الل شايف وعارف وخايف
وبالغ لسانه وكاتم ماقال وأحب اللى قافل عيونه
المغفل وأحب البهايم وأحب البغال وأحب اللى راضى
وأحب اللى فاضى وأحب اللى عايز يربى العيال
وأحب اللى يائس وأحب اللى بائس وأحب
اللى محبط وشايف محال وأحبك تسافر وتبعد
تهاجر وتبعت فلوسك دولار أو ريال وأحبك
تطبل تهلل تهبل عشان ماتش كورة وفيلم ومقال
وأحبك تأيـــد تعضد تمجد توافق تنافق وتلحس
نعال** سورى فى اللفظ**تحضر نشادر تجمع كوادر تلمع تقمع
تضبط مجال لكن لو تفكر تخطط تقرر تشغلل
مخك وتفتح جدال وتبدأ تشاكل وتعمل مشاكل
وتنكش مسائل وتسأل سؤال وعايز تنور وعايز
تطور وعملى روحك مفرد رجال
السبت 27 سبتمبر 2008, 15:00
