ده شعب فقري ..... احمد فؤاد نجم

دا شعب فقرى

نظرا لأن النعمة فاقت حدها

ولأننا مش قدها

ولأن فعلا انجازاتك ..

فوق طاقتنا نعدها

ولأننا غرقنا في جمايل ..

مستحيل حنردها

نستحلفك ....... نسترحمك

نستعطفك ....... نستكرمك

ترحمنا من طلعة جنابك حبتين

عايزين نجرب خلقة تانية

ولو يومين

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

أنا عارْفُهْ شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعنى نشرب ميه واحدة

ندوب في بعض

ماء وماء وماء

ونفض سيرة الانتماء

وبلاها نعرة وطنطنة

تبقى البلاد "مستوطنة"

(متسلطنة بالسرطنة)

إيه اللي خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

بخيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة ..

شلة مأجورين؟

ياعم فضك سيرة

وارضى بقسمتك

دا شعب مش فاهم أكيد

يالا اطرده من رحمتك

وإن كنت غاوي الحكم ..

خليك مطرحك

حاغطس واقب وأعود ..

بشعب يريحك

راضى وعمره مايجرحك

أخْرَس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

شكرااااااااااااااااا

الله عليك وعلى ما تنقله الينا من شاعر جميل ومثقف ومتميز وجميل وكل الصفات الحلوه فيه

الف شكر لك اخى على ما قدمت

حاغطس واقب وأعود ..

بشعب يريحك

راضى وعمره مايجرحك

أخْرَس ومايسمعش

وأعميلك عينيه

مش كل قرش يبص فيه

مايقولش لأه، وفين، وليه

يضرب ينفض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

شكرااااااااااااااااا

وطبعا انا اقتبست الجزء ده عشان هو ده الشعب الموجود

مشكورررررررررررررررررررررررررررررررررررر

انا كنت نايم ولسه صاحى
لقيت الدنيا بقت تمام
مفيش فساد ولا رشاوى
لقيت بتوع الغاز بيوصلوا
قلت ايه..... قالو خلاص
الغاز رجع من اسرائيل
ولقيت جواب بيقلى بكره تيجى بدرى
قلت خير.... قالوا خلاص هنوظفك
ولقيت فطار زى العسل
ورغيف العيش قال ايه ... خلاص انفرد
بقى طول وعرض... حاجه عجب
ولا الخضار شكله ايه ... بياخد النظر
ولا الجزر شكله يفرح من الخير اللى فيه
ولا القرع كوسه خلاص خلص
مبقاش كتير
قال ايه... للاكل بس
مش للمحسوبية يتوجد
قمت مفزوع قلت خير
قالوا عبده العرضى ثار من جديد
ورد عليه بن سليم بقصيده
هزت الظلم هزه فانكسر
والخير كتر
والفجر بان من بعيد
والثوار كتير
بس نثور على مين

والله ولا زمان يارجاله بقالكوا كتير مردتوش على بعض
انت كنت فين يا عرضى محدش بيشوفك يا مشرف
راجع بكلام كبير ولا مشفتش عماد رد بكلام خطير
تسلم ايد الرجاله

يا عم احمد يا عبدة

فذ انتفض قوم

الكل صاحى يا عمنا

وانتة ال نايم نوم

لحد ايمتة يا عمنا

تشكى الرغيف واللحمة

من يوم الحادثة يا عمنا

وانتة ال ضارب لخمة

متفوق باة وتشوف

العرضى ثائر وكاتب

كلام بجد جنان

وعماد يرد يا عمنا

وماسك قلم فنان

وادى ابو عابد

يرد برد جامد

والقلم فى ايدة فرحان

يا اخونا الشعب مش فقرى

دا انا ال فقرى

شكرااااااااااااااااااااااااااااااااااا

هايل يا عرضى كما انت دوما

الكبير كبير يا عمدة

مشكور ابو الثوار

قصدى ابو عابد

واقبلو جميعا تحياتى

احمد عبدة

الله الله الله
بجد الكلام جميل اوى
تحياتى لمن ابدع وتحياتى لمن نقل الينا هذا الابداع

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

ويا ترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون فيعونك - ها تفتكر مين وللا مين