واللي راح راجع .. اكيد.....

يوم من يوميات فلسطينية

النهارده يوم تلات

يوم جديد والشمس طاله

بابا ماسك الجريده

وماما واقفه تدعي لينا

النهارده يكون امان

شهد بره ويا مريم

ضحكهم سمع قلوبنا

لما جه ياسر صاحبهم

شهد خرجت وابتدوا يجروا ف عيونا

(لاتباعدوا )

ماما قالت

بس نبرة صوت تخوف

رد ياسر لا تخافوا

مهما نبعد

احنا لسه ف ارضنا

وف ضل بيتنا

كنت واقفه

عيني رايحه وجاية ناحيتهم وخايفه

جاية من وسط المقابر من بعيد دورية ظالمة
شفت ضلمة

عز ما كان النهار والشمس طالعة

شفت ياسر شال ف ايده ورده حمرا

من جنينة كان زارعها ابن عمي

الشهيد حمزه بايده

جاي بيجري

والعساكر كانوا ناويين يخطفولهم

كام شهيد

او حديد يتحط ف ايدين اللي يجرؤ

يبتسم لو من بعيد

بس ياسر لسه طفل وما بيعرف

حتي ينطق غير نشيد

قاللهم ياسر بصوته

امشوا مش عايزينكوا بره

بابا قام يجري عليهم

قاللهم طفل وصغير

قالوا بكرة الطفل يكبر

ينتقم من غير حدود

نزلوا ماسكين القيود

عيني راحت عند امي

شفتها

كان صوتها راح

السلاح هوه لغتهم

واحنا ما بايدنا سلاح

كسروا بيتنا الصغير

وانتهي وقت الصباح

غابت الشمس وما عادت

من يوميها للنهارده

لسه شايفه الف ورده والف ياسر

من بعيد

لسه بحلم ان بكره الشمس ترجع من جديد

يرجع البيت الصغير

ترجع الضحكة اللي ماتت

واللي راح راجع

اكيد

اقتباس :: شفت ياسر شال ف ايده ورده حمرا

من جنينة كان زارعها ابن عمي

الشهيد حمزه بايده

اقتباس :: قاللهم طفل وصغير

قالوا بكرة الطفل يكبر

ينتقم من غير حدود

اقتباس :: لسه شايفه الف ورده والف ياسر

من بعيد

لسه بحلم ان بكره الشمس ترجع من جديد

يرجع البيت الصغير

ترجع الضحكة اللي ماتت

واللي راح راجع

اكيد

ما شاء الله قصيدة جميله

جزاك الله خيرا

اللهم انصر المسلمين فى كل مكان

واعلى بفضلك كلمة الحق والدين

اقتباس :: لسه بحلم ان بكره الشمس ترجع من جديد

يرجع البيت الصغير

ترجع الضحكة اللي ماتت

واللي راح راجع

اكيد

حقا
اللى راح راجع اكيد
فدولة الظلم ساعه
ودولة الحق الى قيام الساعه
اللهم فك كرب المسلمين واسرهم فى كل مكان
وانت على ذلك قدير
جزاك الله خيرا
بجد القصيده جميله
والاجمل انها رويت فى شكل قصه
منتظرين منك الاجمل

والله كلمات رائعه ولكنها أحزنتنى جدا
متألق دائما يادكتور
لا تحرمنا من جديدك
تقبل مرورى

شكرا ليكم جميعا على المرور
شكرا يا سيدتى الؤلؤة الكنونة
شكرا لكى ياسيدتى زهرة الوادى
شكرا جزيلا لك يا محمد
منحرمش من مروركم
انا كنت افتكرة القصيدة ماتت واندثرة
ولكن فعلا
اللى راح راجع اكيد

كادت دموعي تنزف ...ولاكن اوقفها المجد ال راجع
والشمس ال طلعا ....لسا باقي لينا ماضي والذكري ال راجعه
لسا باقي لينا مجد هيمسح الدمعه ...لسا باقي لينا فجر هيمسح الظلمه
لسه مستني الصباح ...لسه عندي امل في بكره
لسه ولسه القصه ما انتهت لسه ..مستني اكيد الشهاده والجنه بكره
لسه الضحكه جايه رغم الف دمعه
موضوع فعلا جميل ورائع وفعلا كادت دموعي تنزف تحياتي لك ودائما متألق

شكرا على مرورك يا استاذ احمد

اشكرك بجد علشان دى قصيده تستحق الكلام عليه ...لانه مأثره جدا....وجميله اوووى

شكرا لمروكم جميعا

ما شاء الله قصيده جميله الف شكر يا استاذ محمد الف شكر