ليس من الرحمه ان تكسر قلب فتاه احبتك

ليس من الرحمه ان تكسر قلب فتاه او امرأه احبتك

********************

ليس من الرحمة أن تكسر قلب فتاة أو امرأة أحبتك ، ليس من الرحمة أن تعلقها بك ثم تتخلى عنها ولا تتزوجها

وحرام عليك أن تتركها تتزوج من رجل آخر وتظل مشغولة بك ، أو تجعلها تقارن طوال حياتها بين من تزوجته ومن تظن نفسها أنها

أحبته قبل الزواج

حرام عليك أن تعرف فتاة أنت تدرك أنك لن تتزوجها .. هذا ليس من الرحمة .. رفقاً بالنساء

موضوع يستحق النقاش والفصل فيه

هل حقاً ستتزوج من عرفت وأحببت ؟؟

هل حقاً سترتبط بمن تعرفت عليها ، بغض النظر عن طريقة تعارفكما .. وبغض النظر أيضاً عن أساس نيتك التي من أجلها تعرفت عليها

إن كانت للتسلية أولا ؟

أم هل ستتركها وتبتعد عنها لتبحث لك عن زوجة أخرى غير التي أحبتك ورسمتك في خيالها وواقعها فارساً لأحلامها ؟

إن كان كذلك فلم تعرفت عليها ؟
انا مستنيا رأيكم؟؟؟؟؟؟؟؟؟
__________________

انت عمرى

فلم تعرفت عليا لماذا راسلتنى اساله تصرخ بها اى فتاه عندما تجد
من احبت قد عزم الرحيل وبكل بساطه وبمنتهى تجد الرد يكون
والله غصب عنى اعمل ظروفى منيله انتى مش قادره تقدرى اللى
انا فيه انا عارف انك هتكرهينى وتفتكرى انى كنت بتسلى بيك
بس انا اعمل ايه اظن من حقى انى اعبر عن مشاعرى ومحاسيسى
مهما كانت الظروف حتى وهو بينسحب بيخدع ويكدب يعنى منتهى
الانانيه مش عايز يخليها تتاكد من كدبه وخداعه علشان تقدر تكره
مش عارفه للدرجاتى اصبحت مشاعر الفتيات شىء يستهان بيه يعنى
خلاص مبقاش فى حاجه امام الشباب للتسليه غير انه يتسلى ببنت
ويعمل نفسه شاعر ويالف لها قصائد اى قيم او مبادىء تقول
انك تكون سبب فى تدمير حياه انسانه كل ذنبها انها احبتك

السلام عليكم ورحمة الله وبركاته

كل التحية لكى اختى الغالية على عرض هذه القضية الهامة والخطيرة والشائكة والتى
نمر بها اليوم فى عصرا اصبحت فيه القيم والمبادئ والاحاسيس ضربا من الخداع والوهم والكذب
معكى فى كل ما قولتيه وفى كمل ما قالته اختى ( lana(
لكن تعالوا نستعرض بعضا التفاصيل من البداية
حرام على الشاب ان يتلاعب بقلب فتاه ويخدعها ويوهمها بالحب
لكن ايضا احيانا ظروف الحياة هى التى تكون سببا فى انكسار هذا الحب
والبعد والفراق غصب عنه وغصب عنها
لكن فى حالة الخداع والوهم والكذب باان يوقع اى فتاه فى بحر الحب بالكلمات والوعود ويتهرب
منها فهذا لا ارضاه ولا احبه واكره من يفعل هذا واستحقره
لكن ايضا لماذا طرحنا موضوعا كهذا ونسينا اننا مخطئون نعم انتى مخطئة وانت مخطئ
والفتاه اكثر من الولد لاننى لا اعترف بحب مؤقت حب على السطور ويتلاشى
الحب والزواج هما وحدهما يترابطان ولا ينفصلان
هذا رأى الشخصى فلتكن كل فتاه لديها من الحياء والعفة ما يؤهلها لأن تصون نفسها وتصون قلبها
وان لا تخطئ فى اندفاعها نحو حب هى تعرف من البداية انه مجرد حب كاذب
اختارى ودققى الاختيار ولا تختارى فقط بل تعقلى فى خوض تجربة مع اى انسان
فاختار الخلق الجميل واختارى من يخاف الله لان من يخاف الله سيحافظ عليكى ويصون هذا الحب
وبكل ما اعانه الله سيحاول بكل الطرق ان يكمل هذا الحب بالزواج منكى
فلا داعى لحب هذه الايام والتزمى بتدينك وعفافك يرزقك الله بمن هو اهلا لكى ومن يصونك ويحميكى ويحافظ عليكى

ااسف جدا على عدم الحديث بالشكل المظبوط فى هذا الموضوع

لحزنى منه وغضبى من من يخون ويغدر

وغضبى من اى فتاه تترك نفسها لحب يكون طرفا ثالثا فيه هو الشيطان

ليس من الرحمه ان تكسر قلب فتاه او امرأه احبتك

ليس من الرحمة أن تكسري قلب شاب أو رجل أحبك
********************

أعتقد أن الحب قوة كامنة داخل الإنسان وأحيانا ما تتفجر هذه القوة عند إنسان لإنسانة أخرى

أو العكس بدون تحكم وبدون أسباب فالحب احيانا ما يصرع المنطق والعقل ويكون كل

التصرفات منبعها القلب .

مما أعجبني في فيلم ما كلام حسين فهمي لاحمد السقا لماذا تحب أمك ؟ فهي ليست أجمل ولا

أحن ولا ... أمهات الدنيا !!!

فالحب إن كان صادقا يكون كذلك بلا أسباب وبلا حسابات فبالتالي من الممكن حدوث الفراق

والوداع المؤلم للطرفين لقدر ما ولكن يبقى الحب الصادق الافلاطوني الرومانسي الروحاني للأبد

مهما تفرقت الأجسام ومهما بعدت الاماكن.. مع الحفاظ على حقوق الاخرين من زوج أو

زوجة لأن منبع ومركز هذا الحب القلب فقط .

أما الحب الجسدي الشهواني الأناني فيجب عدم التمادي فيه لما يترتب عليه من فساد

أخلاقي وانحلال في الدين والمجتمع وقبلهم باطن ونفسية الشخص نفسه وسلوكه وشكوكه في كل حياته .

والسؤال كيف تعرف من يحبك حبا روحاني أو جسدي شهواني ؟؟؟؟

لابد ان تبحر وتتعمق داخل نفسك أولا لمعرفة حقيقة حبك ومنه تعرف حب الآخر

والأفضل لراحة البال فعلى ما سمعت أن السيدة فاطمة الزهراء سُأِلَت عن أفضل شيء للمرأة ؟؟؟

فقالت ألا ترى رجل غير زوجها ولا يراها !!

وهذا من الصعب في الوقت الحالي ولكن يكفيكي أختي الحريصة على نفسك وعلى دينك أن

تحاولي عدم الاختلاط أو التحكم به وتحديده وتقليله

اللهم أكفنا شر كسر القلوب

موضوع رائع

تقبلوا مروري

مع خالص شكري وتقديري

تحياتى لك استاذ عماد مافى افضل من كدا حديث بس حضرتك وجهت كل اللوم
على البنات هو صحيح البنت المفروض تكون اكثر حرصا بس هى انسانه
اكيد نفسها تحب وتتحب تتمنى ترتبط بانسان عرفته وفهمته يعنى هى
تعرف ازاى انه بيخدعها اويكدب عليها الشباب دلوقتى كل شغلهم
الشاغل ازاى يقدر يوقع البنت دى تراهن ياعم سيبنى بس يومين
وانا اوقعها دا تفكيرهم وبالفعل يفضل يلف ويدور لحد مايعرف زى
مابيقولوا مدخلها ويبدا بقى تمثيل المسلسل كل يوم حلقه جديده والبنت
هتعمل ايه امام افكارهم الخبيثه مهى لازم غصب عنها هتصدق انه
بيحبها وتبدا تفكر واكيد هتشوفه ملاك مهو بيمثل بقى فلازم هتحبه
وتتعلق بيه ومجرد انه يزهق او تظهر بطله جديده يسلام لازم نديها
صابونه الصيف هل ومحتاجين افلام سينما الحق ياعم دى دخلت
فى الجواز وشكلها راسمه على انى اقعد فى الصالون واكل جاتو
واشرب بيبسى لا كفايه كدا شاهد بقى الحلقه الاخيره ويسلام عليه
مهو لازم يفضل بطل للاخر وتبدا اسطوانه الظروف تشتغل ياه
يقطع قلبها عليه اى ظروف دى والله لو حب بجد او لو كان صدق
لقدر انه يتحدى اى ظروف لكنه كان بيتسلى السؤال ليه كل ده ياشباب
تمثل وتكدب وتجرح وتازى انسانه ليه علشان تكسب رهان حاجه ساقعه
او تضيع وقت او تتباهى انك تعرف 50بنت ومنفض لمليون ياه دا انت
تافه اوى يااااااااه دا انت طلعت رخيص اوى اوعوا تقولوا ان البنت
هى اللى غلطانه مهى لو مودبه او متتدينه مكنتش كلمته او راسلته
بالعكس دا البنات المؤدبه هى الاكثر عرضه للخداع لانها اكيد بتبقى
عمرها ماسمعت الكلام ده وانتوا ماشاء الله عليكم بقيتوا محترفين حافظين
افلام عربى كويس اوى يسلام لو جبت اى واحد وقولتله اعمل دور
حبيب تجده ممثل بارع حرااااااااااام عليكم البنات ليست لعبه تلعبوا
بيها ولما تزهقوا منها ترموها لالالالالالالا لحد امتى يابنات
هنفضل كدا لازم وقفه لازم نرفض الاستهانه بمشاعرنا
الى هذا الحد لازم نغير مقولتهم الشهيره دول يتمنوا ويستنوا بس اشاره

بسم الله الرحمن الرحيم

احنا بندور على المشكله اللى حصلت وازاى نحلها وده غلط

الصح ان احنا من البدايه نجعل مفيش مشكله بمعنى ميبقاش فيه اختلاط وخروج بس مش معنى كده ان مفيش حب

الحب موجود بس ازى اتعامل معا اللى بحبه هى دى المشكله

زى ما بيقولم فى الأمثال الجواز قسمه ونصيب يعنى انتى لو مكتوبلك انك تتجوزيه هتتجوزيه

ولو ربنا مش كاتب انك تتجوزيه مش هتتجوزيه

الأهم ان البنت تحافظ على نفسها لأن كل بنت بتخرج من تجربة حب فاشله بتخسر

فى بنت بتخسر كل حاجه واغلى حاجه وفى بنت بتفقد كرمتها واخرى تفقد واخرى تفقد وهكذا

اما بالنسبه لحجة انى بخرج معاه علشان اعرف اخلاقه وادرسه وهشوف هنتعامل مع بعض ازاى دى حجه

والأسلام حل النقطه دى بفترة الخطوبه

اذا حسيت ان فى توافق على بركة الله اتزوجها واذا مكنش فيه توافق يبقى احنا مش لبعض وانسحب بكل ادب واحترام

واحنا بنتكلم دائما على البنت لأنها هى اللى بتخسر

الولد كمان بيخسر بس ازاى

ان اللى عمله فى البنت اللى حبته هيتعمل فى اخته او زوجته او بنته

لأن الله يمهل ولا يهمل

وفى النهايه جزاكى الله خيرا على طرحك للموضوع

بسم الله الرحمن الرحيم
الحمد لله والصلاة والسلام على اشرف المرسلين
وبعد
الكلام فى الموضوع ده سبق لنا ان تكلمنا فيه وافضنا فيه الكلام
ولكن ليس من الضرورى ان نسكت عند فتح الموضوع مرة اخرى
ولكن فكيف نرضى ان يكون هماك علاقة عير شرعية بين رجل وامراة او شاب وشابة
دون ان يكون هناك على الاقل خطوبة وبعدين حب ايه وكلام ايه اللى احنا بنقول عليه
ياسادة يا كرام انا عن نفسى مش هسمح لنفسى انى احب واحده مفيش بينى وبينها منفذ شرعى للحب
ولازم برده اى بنت متفتحش قلبها لاى حد لازم يكون خطبها ويكون بينهم رباط شرعى الموضوع مش
يبقى سداح مداح كده الواحده تبقى عملها قلبها مفتوح من اذنيها مكان ماتسمع كلام حلو وايلا بقى تبقى تستاهل
اللى يجرلها وكذلك الشباب اتقوا الله فى اعراضكم وفى من يخصكم من النساء واعلم بان من يصول ويجول
فى اعراض الناس سيجد من يصول ويجول فى عرضه
ياهاتكا حرم الرجال وقاطعا
سبل المودة عشت غير مكرم
لو كنت حرا من سلالة ماجد
ماكنت هتاكا لحرمة مسلم
عفو تعف نساؤكم في المحرم
وتجنبو ما لا يليق بمسلم
من يزن يزن به ولا بجداره
ان كنت يا هذا لبيبا فافهم
ان الزنا دينا فان اقرضته
كان الوفا من اهل بيتك فاعلم
من يزن بامراه بألفي درهم
في بيته يزنى بغير الدرهم
وبعد هذا لا يسعنى الا ان اقول لكم اعاذنا الله واياكم من الوقوع فى
محرمٍِِِ ونعوذ بالله من الوقوع فى مصائد الشيطان وشباكه
اللهم اعف شباب المسلمين
اللهم امين امين

يسلام عليك يا استاذ محمد دايما كدا بجيب من الاخر ......
حب ايه وكلام ايه الا احنا بنقول عليه....
دا اللى انا اكتشفته بس للاسف..........
. كل شىء قسمه ونصيب مفيش واحده بتتجوز
الا جوزها ومفيش واحد بيتجوز غير مراته ......
.فالكل يريح نفسه ........يارب ضعفت نفسى وانت المعين
يارب اجعل حبى كله لك وسعى كله لمرضاتك