عندى مشكله

لكل منا مشاكل ربما تكون أقل من مشكلتك اللتى لا يستهان بها وربما تكون أكبر ولكن عندما
يصاب كلا منا بمكروه هل سيبقى هذا هو السيبل الوحيد( يا رب اموت وارتاح من الهم اللي انا فيه ده ).

مشكلتك ليست بالهينه لا لأنك لم تدخل الكليه الحربيه ولا لأن والدتك قد توفها الله ولكن الهم أكبر من هذا الهم أنك قد تركت مجال واسع للشيطان لينازعك تفكيرك بل ويفرض عليك أمور من صنعه كن على يقين أنك عندما وصلت ألى هذه المرحله من اليأس كانت لأنك عندما أبتلاك الله قد بعدت عنه وكان الاولى أن تشكره وتحمده نعم تشكره وتحمده لتعلم أخى الحبيب أن الله أذا أحب عبدا أبتلاه فأن صبر أصطفاه .

والله قد أبتلاك لأنه يحبك فأصبر لعله يصطفيك.
حاول أن تعيد تفكير فى الموضوع لانك لاتدرى أين الخير .

بعد كلام عادل واحمد وعماد مشلاقية حاجة اقولها غير ربنا يصبرك لان فعلا الموقف صعب لكن صدقنى وزى ماقالولك لو رضيت باللى ربنا قسمهولك اكيد ربنا هيكرمك محدش عارف ايه اللى كن ممكن يحصل لو كملت فى كليه الحربية ويمكن كنت ساعتها قولت ياريتنى ما كنت قبلت فيها وبعدين انت دلوقتى فى كلية تجارة لازم تاخد موقف ياتعيد السنة وتعوض اللى فاتت وصدقنى وعن تجربة شخصية لانى ف كلية تجارة الدراسة سهلة والمستقبل فيها كويس لكن لو مش حاببها حدد انت هتحول كلية ايه اللى فات فات ولا تبحث عن المفقود حتى لا تفقد الموجود وبلاش النظرة التشاؤمية دى احنا بشر وحياتنا كلها مشاكل ومكدبش عليك انا كمان اوقات كنت بتمنى الموت وبعدها ندمت لان دى حياة مفروضة علينا هنعشها بالطول ولا بالعرض يبقى ليه نحزن وكله بيعدى فاقترب من الله وادعى انه يصبرك واستنى بكره بصدر رحب وان شاء الله بكره تتعدل لكن اهم حاجة انك تتفائل لانك طول ماانت شايفها ضلمة ممكن تحصلك حاجات حلوة وبرده مش هتشوف جمالها
واسفة انى طولت