مبقاش ... مبقاش

اولا احب اقول كلمتين
ليأس حالة بتصيب الانسان فترة لكن
بالاستعانة بربنا
والتقرب منه ممكن يعدي الحالة دي
مهما كانت
وانا حسيت بالاحساس ده قبل كده والحمد لله الحالة دي عدت بفضل الله
فانا حبيت بس انقل احساس الانسان في الفترة دي بيكون ازاي

مبقاش

مبقاش ..... مبقاش................. في الدنيا شيء ببلاش
كل اللي بيدي حاجة بيعوز
قصادها كتير
مبقاش .... مبقاش ...........................
الغدر ما خلاش
ايامنا دي بنعشها ايام ما
فيها خير
مبقاش حب بحب مبقاش حنين في
القلب دلوقتي الحب كدب
وحاجة ما بتسواش
تعدي السنين وتفوت والفرح مالهوش صوت اللي يحب ....يموت
واللي بيغدر عاش
مبقاش .... مبقاش

مبقاش باقي في حياتنا غير ذكري من اللي فاتنا
لما بتكتر اهاتنا
بنرجع نفتكرها
ما بقتش الدنيا ديه زي ما هي في عنية
دلوقتي دي قويه
ونفسي في دنيا غيرها
مبقاش حب بحب مبقاش حنين في
القلب دلوقتي الحب كدب
وحاجة ما بتسواش
تعدي السنين وتفوت والفرح مالهوش صوت اللي يحب ....يموت
واللي بيغدر عاش
مبقاش .... مبقاش

مبقاش خلاص فينا غير دمعة في
عنينا وحزن مالينا
وزمان قاسي جراح
يخدع كمان تاني ويزيد في احزاني والحل يا زماني
اموت عشان ارتاح
مبقاش حب بحب مبقاش حنين في القلب دلوقتي الحب كدب
وحاجة ما بتسواش
تعدي السنين وتفوت والفرح مالهوش صوت
اللي يحب ....يموت
واللي بيغدر عاش
مبقاش .... مبقاش

انا خلاص الكلام هيخلص منى

بعد كدة مش هعرف ارد على مواضيعك يا عم

براحة علينا

اية الروقان دة

بتكتب وانتة مزاجك عالى
ربنا يزيدك واحنا بنحبك
ونتمنالك
احتراف الشعر
احمد عبدة

ahmadabdooo كتب:

بجد يارب يكون كلامي بيعجبك
واحساسي يكون واصل
هو ده المهم
وبجد انا اللي مش هعرف ارد عليك بعد كده
انت بتحرجني بذوقك والله

شكرا ليك جدا
واتمنالك التوفيق

والله الكلام ده جميل
واللى يقول غير كده
اقول عليه مواويل
وربنا يهنى عبده بعرضى امير
كل الكلام ده كبير
من ناس كبار عقلين
وانا معاكوا بهنى
عماد على التغير
تصبح بلادنا عمار
مع عرضى وعبده وعابد
كلنا عايزين
التغيييييييييير

الله عليك يا ابو عابد
لما تقول وانتة رايق

قول يا عم ومتعنا

احمد عبدة

مشكوووووووووووووووووووووووووور على الكلام الجميل يابرنس