شكر الله سعيكم ... سعيكم مشكور

قصيدة من واحد ميت لناس ميته
**************
شكر الله سعيكم
*******
بعد التعب مرتاح
نايم علي وداني
عدلوني ع القبلة
ومسبلين اجفاني
****
مع إني كنت موصي
مراتي وشيخ البلد
يغسلوني شرعي
ويزمزموا اكفاني
ويجيبوا صيِّت كبير
ويهندسوا صواني
ويصوروني فيديو
ويسجلوا اللي جاني
عاوزها جنازة فخمة
تليق بعزوتي ومكاني
*****
يا مستجاب الدعا
يا عالم بأحوالي
خشبة شايلها اربعة
ع الأخرة وخداني
جارية ومتسربعة
شايله البعيد الفاني
عريان من غير بردعة
زي أمي ما ولداني
****
يا خلق فين الوفا
ماهو ده اللي بكاني
في حبة خلقْ لفوني
قالوا مش راجع تاني
دفنوني ولحقوا الغدا
بط وفراخ ف صواني
عملوا اللي علي كيفهم
حتي العزا حلواني
لا جابو شيخ قرُّووة
كم صورة ف صواني
ولا قالوا وحدووووه
الناس اللي شيلاني
يا اخونَّا شوفوا المرة
من تاني يوم نسياني
لبسة ومتزوقة
ومنشنه ع التاني

هههههههههههههههههههه
م ن ق و ل

ههههههههههههههههههههههههههههههههههههههههههههههه
جميلة يا عمنا
وسعيكم مشكور ماشى
زنبكم مغفور ماشى
بس قلى نعمل اية فى الستات الى بتنسا بعد مترجع من المدافن
لنا الله يا عم محمد
احمد عبدة

الحي ابقي من الميت يا عم محمد

ودوام الحال من المحال

وشكرااااااا ليك علي الكلام الحلو ده

شكرااااااااااا