مش كفاية اللي احنا فيه

مش كفاية اللي احنا فيه

شعر جميل قرأته يصف الحال بتاعنا
اللي احنا عايشين فيه
الشاعر بجد بيحكي
كل اللي بفكر فيه
قصيدة رائعة
بقلم الشاعر: حسام خليل

كنت يوم نايم معكنن
م الغلاء اللي احنا فيه
كل يوم أسعار بتغلى
والمرتب مش لاقيه
والعيال دايمًا يقولوا
جيت يا بابا؟
جبت إيه؟
جبت نفسي وجيت بسرعة
مش واحشكم ولا إيه؟
هزوا راسهم أيوه طبعًا
بس يعني ناكل إيه
رحت عامل نفسي نايم
والنكد واخد عليه
النكد بالنوم معالجة
دايمًا أهرب منه فيه
والعيال نامت أخيرًا
وهو ده اللي نفسي فيه
قلت فرصه أنام شوية
رحت نور البيت طافيه
سمعت خبط ورزع جامد
دي القيامة ولا إيه
قالوا افتح.. أمن دولة
قلت أهلاً.. جيت يا بيه؟
كنت حاسس لمَّا قالوا
في انتخاب داخلين عليه
حاجة ساقعة أوام يا باشا
ولا نعمل نسكافيه
هي ناقصة أمن دولة؟
مش كفاية اللي احنا فيه؟

الله الله الله عليك وعلى الفنان الشاعر اللى رسم الابداع ده
تسلم وتقبل تحياتى
وربنا يستر على المنتدى

ايه ده الادمن بتاعنا بيخاف ولا ايه

لالا جمد قلبك كده

ده لسه التقيل جاي ورا

عموما يا باشا الف شكر علي المرور

وان شاء الله بتشجيعك اقدر اقدم الافضل

شكرا ليك ونورت الموضوع

جميل جدا
الله عليك يا عبد الفتاح
انا عايز صواريخ
وقنابل
قول وانا معاك

انا عارف ان اخرتى على اديكم
حماسى انضم لثائر هيولعوها نار
بس ان ياك ينفع مع الحمار عبد الجبار
اللى اشترى الجموسه بدنار

اهلا بيك يا دكتور في الموضوع نورته والله
واوعدك ان شاء الله فيه حاجات اقوي واقوي جايه
علي الاقل نطلع اللي جوانا بدل ما نموت
مكبوتين
وانتظر قصيدة
انت اكيد في مصر
بس في ابداعات خاصة ان شاء الله قريب

اما انت بقي يا ادمن ولا كأنك سامع حاجة يا باشا
سيبنا بس مننا ليهم
ولو اني عارف انك هتسخن وهتقول انت كمان

شكرا للزيارة الكريمة دي

ونلتقي قريبا

خدنى معاكم يا عبدة
بس بجد والله هايل
واحساسك عالى مش بقلك وطنى
وفى وقتها يا عمنا
وربنا يزيدك
اخوك احمد عبدة

شكرا ليك يا احمد علي المرور
ويلا ادي اول عضوانضم لينا
والباب مفتوح

الف شكر ليك علي الرد