المسابقة الرمضانية الكبرى ... جوائز عينية ... للاعضاء والزوار ... بداية الشهر الكريم

السلام عليكم

ياريت موضوع بخصوص المسابقة الرمضانية يتحذف منعا لتكرار الكلام

وياريت المنتدى دا يتقفل لكل الاعضاء ويتفتح فقط للقائمين على المسابقة

لحين الانتهاء من تنظيمها يتم فتحه للكل والسماح للمشاركات


باقى على رمضان تقريبا 6 ايام ياريت نتفق كل كل معالم المسابقة وتنسيق كل شئ عنها

فى خلال 3 او 4 ايام بحيث ينزل اعلان فيه كل التفاصيل بالمسابقه قبل رمضان بيومين ثلاته

ان شاء الله


انا عندى اقتراح لحين سماع رد الاستاذ محمد

المسابقة تكون اسبوعية يعنى فى نهاية كل اسبوع يتم الاعلان عن الفائزين فى مسابقه الاسبوع دا

يعنى المسابقة كانها هتكون اربع مراحل

كل اسبوع ننزل مجموعه من الاسئله التى تضم جميع المجالات قرآن ...حديث...فقه...الغاز..

ثقافه....

ويستمر طرحها لمدة 5 ايام مثلا من السبت الى الاربع اوالخميس

وفى اليومين الباقين من الاسبوع المشرفين هيشوفوا جميع الاجابات ويعلنوا عن الفائزن

وهكذا حتى نهايه الشهر


يتم وضع جميع الاسئله للاربع اسابيع بالاتفاق بين القائمين على المسابقه قبل رمضان

علشان ما نضيعش وقتنا فى رمضان


طبعا كل عضو او زائر هيرسل الاجابات ومش هتظهر غير للقائمين على المسابقه منعا للغش


دى بعض الاقتراحات ممكن نتناقش فيها

وفيه حاجات تانية لكن لما نتفق على الشكل العام للمسابقه


وجزاكم الله خيرا

دائما وابدا سباق ألى كل ماهو جديد ومفيد

فكره متميزه

وفى انتظار رد الاستاذ محمد لتوضيح المعالم الرئسيه للفكره

كده تمام جدا

ياريت الكل يخش ويشوف لو فى حاجه مش واضحه

ويارب المسابقه تطلع بالشكل الجميل اللى كلنا نتمناه

اعتقد ان المسابقه علشان الكل يستفيد ولو حضرتك ظهرت الاجابه هتلاقي رد واحد بس لان لو حد دخل ولقه السؤال اتجاوب هيكون خلاص فنش انما لو الاجابه مش ظهره هيكون فيه تنافس اكتر وبعد الميعاد تظهر الاجابات كلها للكل ونشوف مين الصح والاسرع ...كان هذا اقتراح مني ولكم في النهايه الراي الصائب جزاكم الله خيرا
وكل عام وانتم بخير

انا مع رايى الاخ احمد ان لو الاجابة ظهرت للكل مش هيوصلنا الا اجابه واحده

لان المسابقة هتكون اتحسمت اصلا


ثانيا ليا رايى فى موضوع تحديد نص ساعه للاجابه

احنا كدا بنقلل عدد المشتركين لان مش الكل هكون فاضى فى الوقت دا

ممكن ناس تكون فى مشوار او عندها ضيوف او النت فاصل كل دا

احنا ممكن نحدد وقت ايوة للسؤال ونسيب وقت الاجابه مفتوح والاعلان عن الفائزين يكون تانى يوم قبل السؤال الجديد


بالنسبة ان كل واحد من المشرفين على المسابقه يحط الاسئله اسبوع مش كويس كدا

ممكن كل واحد يحط يوم احسن وطبعا زى ما حضرتك قولت كلنا هنكون عارفين السؤال

علشان لو حصل ظروف لحد التانى يقول السؤال

بالنسبة لتوزيع الجوائز انا لسه مش فاهمه اصلا الجوائز دى
هتكون عبارة عن ايه ومين هيجبها وهتتوزع ازاى يعنى حفله مثلا
ولا كل مشرف عارف حد هيديله جايزته وخلاص

وكل يوم فيه فائز واحد ولا 3 زى ما الاستاذ محمد قال

انا طبعاااا شاكر جدا مساهماتكم وده يدل على حبكم للمنتدى
ورغبتكم الاكيده فى انه يطلع باافضل صورة
واننا فعلاااا نكمل بعض مش بالكلام بالفعل
وبالنسبة لموضوع الاجابات انا معاكم
بس فيه مشكلة محدش يعرف بيها
موضوع اخفاء الاجابات هيكون ازاى
فى التحكم فى كونترول المنتدى مفيش صلاحية بكده
وبعدين لو فرضا الاسئلة انبعتت على الخاص يبقى لازم الزوار يسجلوا عشان يقدروا يبعتوا الرسايل
ولو الرسايل انبعتت على الخاص مش هيكون للمسابقة مصدقية مين الاسرع او مين بعت صح ولا ايه اللى حصل ورا الكوليس
حولت قبل ما اعلن الشروط اللى فاتت انى اخليها زى ما انتم عوزين بس ده كلام والفعل صعب جدا
ده بالنسبه للاجابات
بالنسبه للميعاد
لو المسابقة مدتها كبيرة يبقى بالظبط عملنا مسابقة تانية فى قلب المنتدى نسخة من المسابقة الاسلامية الموجوده
وكل واحد يجرى على النت يدور على الاجابات ومش هيكون فى فرص تكافؤ بين المتميز
وبين اللى بيعرف يشتغل على النت كويس
يبقى لازم الكونترول يكون هو تحكمنا فى الوقت عشان اللى يعرف فعلاااااا هو اللى يجاوب
بالنسبة لموضوع الاجابة الصح او الغلط
كل واحد هيكون مشغول انه يكون الاسرع فمش هيشوف اللى قبله جاوب ايه
ولو شاف يمكن اجابته تكون خطأ كمان لانه هيغش بس مش هيكون عارف الغش صح ولا غلط
بالنسبة للوقت
انا عرضت المعاد تقريبى ولسه اخى محمد هيأكد عليه معاكم
يعنى انتم اللى هتحددوه من خلال مساهمتكم

اتمنى اكون وضحت القصور والصورة كاملة ليكم
ومستنى مشاركتكم وتفاعلكم باايجابية مع الموضوع

لان الوقت ضيق