ست الكل ....... معرفوششششش

قصيدة ست الكل
للشاعر : معرفش
----------------
مصر بلدناو ست الكل
حلوة وقشطة وزي الفل
كل مافيها جميل ولذيذ
من حبها أنا بكرة اتشل

احلى شوارع واحلى رصيف
حبة فول على نص رغيف
يصبح مود الطاسة ظريف
طنش وابلع اسهل حل

مصر بلدنا وست الكل

مصر يا بلدي انا مش مطحون
مصر يا احلى مكان ف الكون
انا مش خايف ولا مسجون
بس انا يمكن اكون محتل
اخ انا قصدي اكون مختل

مصر بلدنا وتاج الراس
من يحميكي الا الحراس
ولاد العز ولاد الناس
واحنا نعيش كدة زي الظل

مصر بلدنا يا ست الكل

يارب تنول اعجابكم
وتلاقى نصيب من ردودكم
اخوكم
محمد عابد

ايها الساخر اللذيذ
هااااااااااااااااااااااااااااااات
من دا كتير
وبجد رائع
اخوك
احمد عبدة