New Star Marsafa

New Star Marsafa


 
الرئيسيةمكتبة الصورالتسجيلبحـثدخول

شاطر | 
 

 وصفات سهله للعنايه بالبشره فى الشتاء

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهرة الوادى
عضوة تستحق الاشراف لتميزها
عضوة تستحق الاشراف لتميزها
avatar

عدد الرسائل : 253
العمر : 32
Personalized field :
وســـــــام :
وســـــام جديد :
تاريخ التسجيل : 30/07/2008

مُساهمةموضوع: وصفات سهله للعنايه بالبشره فى الشتاء   الإثنين 15 ديسمبر 2008, 19:06




السلام عليكم ورحمة الله وبركاته


النهارده هنعرف مع بعض شوية وصفات طبيعية بسيطة
علشان تساعدنا على التغلب على كل مشاكل البشرة اللي ممكن أنها تقابلنا في الشتاء...


زيت الزيتون لعلاج جفاف الجسم

أكيد كلنا في الشتاء بنعاني من مشكلة جفاف جسمنا في الشتاء
وخصوصا بعد الاستحمام بنلاقي إن جلدنا جاف أوي وفيه زي
قشور وعلشان نتخلص من مشكلة الجفاف دي يبقى ياريت أننا ندلك
جسمنا قبل الاستحمام بربع ساعة بزيت زيتون وبعد كده ناخد الدش
بتاعنا عادي بس ياريت بعد ما نخلص الاستحمام بالميه الفاترة ناخد
دش تاني بميه باردة وبعد ما نخلص الدش ننشف جسمنا بفوطة
ناعمة وبعد كده نبدأ في وضع كريمات مرطبة على جسمنا.
ماسك الزبدة لعلاج جفاف جلد الوجه

ساعات كتير بنحس إن جلد وجهنا مشدود في الشتاء لدرجة
أننا مش قادرين أننا نتكلم أو نضحك.. وعلشان نتخلص
من المشكلة دي يبقى ياريت أننا نخلط ملعقة صغيرة من الزبدة
مع ملعقة ميه ونقلبهم مع بعض كويس وبعد كده ندهن وجهنا
بيها ونسيبها على وجهنا لمدة ربع ساعة وبعد كده نغسل
وجهنا بالميه الفاترة.. ياريت أننا طول الشتاء
نعمل الماسك ده ولو مرة كل أسبوع وهنشوف الفرق بنفسنا.

ماسك البرتقال بعسل النحل لعلاج شحوب الوجه

من ضمن المشاكل اللي ممكن نعرض لها في الشتاء هي
مشكلة شحوب البشرة وعلشان نتخلص من المشكلة دي يبقى
ياريت أننا نجرب "ماسك البرتقال بعسل النحل"... كل الحكاية أننا
نسخن العسل مع عصير البرتقال على نار هادئة لغاية ما نلاقي
العسل ذاب، بعد كده نشيله من على النار ونسيبه شوية لغاية
ما نلاقيه برد، وبعد كده نحط الماسك على وجهنا لمدة ربع ساعة،
وبعد مرور الربع ساعة نمسح وجهنا بقطنة مبلولة بالميه الفاترة
وبعد كده نغسل وجهنا بالميه الفاترة بدون استخدام الصابون
ياريت أننا نعمل الماسك ده مرتين في الأسبوع وهنشوف الفرق بنفسنا.
الليمون والجلسرين لعلاج خشونة جلد اليدين وتشققه

أكيد كلنا بنستخدم الميه الساخنة لما نيجي نغسل إيدينا
وده السبب اللي بيخلي جلد إيدينا يبقى خشن ومتشقق طول الشتاء..
وعلشان نتخلص من المشكلة دي يبقى ياريت أننا نجيب
زجاجة ونحط فيها عصير ليمونة كاملة ونضيف إليها
ملعقتين جلسرين وملعقة ماء ورد ونرج الزجاجة كويس علشان الخليط يمتزج
مع بعضه وبعد كده ناخد منها وندهن إيدينا ونسيب الخليط ده
في إيدينا لمدة 10 دقائق وبعد كده نشطف إيدينا بالميه الفاترة،
ياريت أننا نعمل الموضوع ده كل يوم واحنا نلاقي إيدينا بقت
أنعم من الحرير مش كده وبس ده الماسك ده بيساعد كمان على تفتيح اليدين.

حمام المياه والفازلين لعلاج خشونة كعب القدمين وتشققه

ولأن جلد كعب القدمين جلد رقيق جدا فبنلاقيه طول الشتاء
على طول متشقق أو خشن لدرجة أننا ممكن ما نقدرش أننا
ندوس على رجلنا من شدة الألم اللي ممكن أنه يصاحب التشقق
والخشونة دي. وعلاج المشكلة دي بسيط جدا وهو "حمام المياه والفازلين"
بس في الأول ياريت أننا نحط رجلينا في مياه فاترة لمدة عشر دقائق،
وبعد كده ندعك رجلينا بالحجر بعد ما نتأكد من إزالة كل الجلد الميت
الموجود ننشف رجلينا كويس بفوطة ناعمة ونحط طبقة سميكة من
الفازلين على كعوب رجلينا وبعد كده نلبس كيس بلاستيك في رجلينا
وعليه شراب ونسيبه لمدة نص ساعة أو ننام به لو عملنا الوصفة
دي مرتين في الأسبوع مش هنلاقي أي مشاكل بعد كده نهائي.
زيت القرفة لتشقق جلد الكوعين

من ضمن المشاكل اللي ممكن نتعرض لها في الشتاء مشكلة تشقق
جلد الكوعين، ودي حلها ماسك زيت القرفة. هنجيب 3 نقط زيت قرفة "من عند العطار"
ونحطه في زجاجة ونضيف إليهم 8 معالق كبيرة زيت مشمش "من عند العطار"
هنقفل الزجاجة كويس ونرجها كويس علشان المقادير دي تختلط مع بعضها
وبعد كده هندهن بيها الأماكن المصابة بالجفاف والتشقق، وبعد مرور
نص ساعة نغسلها بالميه الفاترة.. نكرر الماسك ده مرة كل أسبوع
وعلى فكرة الماسك ده مش بس بيعالج تشقق الكوعين ده كمان
بيساعد على تفتيح الاسمرار اللي ممكن أنه يصيب المنطقة دي.

الفازلين أحسن علاج لتشقق الشفايف

فيه كمان مشكلة ممكن تقابلنا في الشتاء، وهي مشكلة تشقق
الشفايف، وده لأن جلد الشفايف جلد رقيق جدا وبيتأثر بأي
حاجة بسرعة علشان كده بنلاقيه هو أول حاجة بتتأثر
بانخفاض درجات الحرارة وعلشان نتخلص
من المشكلة دي يبقى ياريت أننا نحط طبقة من "الفازلين" على شفايفنا
كل يوم قبل ماننام.. على فكرة لو عملنا الوصفة دي مرتين
في الأسبوع يبقى هنقول وداعا لتشقق الشفايف طول الشتاء...
وياريت كمان أننا نحرص طول الشتاء على استخدام زبدة كاكاو؛
لأنها بتقي الشفايف من الجفاف وبترطب الشفايف

اتمنى يكون الموضوع نال اعجابكم
وتقدروا تستفيدوا منه


_________________
....... من أنا؟؟؟
....... أجل من أنا..؟؟؟
....... أأنا السكوت الموشوم بالضجيج....
........ أأنا البهجة المخنوقة بالدمعه.......
........ أم أنا تلك الأنثى الحزينه.........!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WWW.marsafa.yoo7.com
EL!@MEER

.::®EL!@MEE::.
 .::®EL!@MEE::.
avatar

عدد الرسائل : 1704
العمر : 31
Personalized field :
وســـــــام :
وســـــام جديد :
تاريخ التسجيل : 24/04/2008

مُساهمةموضوع: رد: وصفات سهله للعنايه بالبشره فى الشتاء   الإثنين 15 ديسمبر 2008, 19:33

شكرا لمعلوماتك القيمه والجميله

دمتى متألقه

ارق واجمل تحياتى

محمد,,,

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.marsafa.yoo7.com
 
وصفات سهله للعنايه بالبشره فى الشتاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
New Star Marsafa :: منتديات حواء :: منتدى الجمال والاناقة :: قسم العناية بالبشرة والجسم-
انتقل الى: