عبدالفتاح العرضي الشاعر المتميز
عدد الرسائل : 281 العمر : 38 Personalized field : وســـــــام : وســـــام جديد : تاريخ التسجيل : 10/05/2008
| موضوع: عظيمة يا مصر الأربعاء 12 نوفمبر 2008, 23:34 | |
| عظيمة يا مصر
عظيمة يا مصر يا ارض الهرم يا ارض العزايم يا ارض الهمم يا ارض الجدود النيل والسدود يا ارض الجوامع يا ارض الكنايس يا ارض المعابد يا ارض الالم يا ارض الفراعنة وارض الحضارة يا اكبر تاريخ واعظم منارة يا حلمي اللي كان يا امن وامان يا ارض العناد يا احلي البلاد ليه الظلم زاد والحق انعدم يا ارضي وبيتي في كل الحالات يا فرشي وغطايا حياة او ممات يا ست الحبايب ليه العدل غايب وايه اللي فيكي ما اصبحش فيكي وانتي كان ماليكي يا مصر النعم ليه بقينا دايما تجارة للكبار ليه بقت جنانك (جناتك) بالنسبة لينا نار ليه دا احنا ولادك وهما كمان ولادك يا امه تصدقي ؟ بقيتي تفرقي وتدوسي وتحرقي ولا همك الالم بقيتي ليه تسيبينا في الدنيا حيرانين لا همك اللي فينا ولا فارقة احنا مين ولا حتي شاغلة بالك مين في الشدة شالك ومين اللي بيحرق ومين اللي بيغرق ومين كان يوم يصدق تبقي زي السنين ادي حبه من ولادك ماتو غرقانين وادي حبه من ولادك ماتو مخنوقين وادي حبة ناس كمان لا ماتو ولا عايشين ليه عايزة النهارده نكون بنموت ونرضي اوعي تكوني قاصدة نعيش متعذبين سكتنا كتير وقولنا ده نصيبنا وده قدر وبكرة الحال هيحلي ونعيش زي البشر لكن ده كل يوم بتزيد فينا الهموم بنعيش والحزن فينا وننام والخوف مالينا يا مصر الحقينا بصي لنا بنص عين . . . . . .
الكلام كتير قوي ومش عارف اختمه وبرضو مش عارف اكتب باقي الكلام عشان انا بحب امي مصر اصل بعد كده الكلام هيبقي قاسي قوي اتمني اشوف منكم رد علي المعني مش علي الشعر شكرا | |
|
Abu Mohanad Admin
عدد الرسائل : 2931 العمر : 46 Personalized field : وســـــــام : تاريخ التسجيل : 28/03/2008
| موضوع: رد: عظيمة يا مصر الخميس 13 نوفمبر 2008, 20:07 | |
| بقيتي ليه تسيبينا في الدنيا حيرانين لا همك اللي فينا ولا فارقة احنا مين ولا حتي شاغلة بالك مين في الشدة شالك
ادي حبه من ولادك ماتو غرقانين وادي حبه من ولادك ماتو مخنوقين
وادي حبة ناس كمان لا ماتو ولا عايشين
سكتنا كتير وقولنا ده نصيبنا وده قدر وبكرة الحال هيحلي ونعيش زي البشر
لكن ده كل يوم بتزيد فينا الهموم
بنعيش والحزن فينا وننام والخوف مالينا يا مصر الحقينا
_---------------------
السلام عليكم ورحمة الله وبركاته
صدقااا وبدون نفاق كلمات ليست كالكلمات
أحرف خرجت من قلب شاعر موهوب وانسان يستحق لقب الفنان
حروف تتساقط كالنجوم لتحرق ظلم سنين وراءها وتستنجد بيوم جديد
تحياتى لك اخى ودمت متالقا مبدعا معبرااا عن ما فى قلوبنا
| |
|