كل الام العالم تهون اذا وجدت انسانا يتألم معك ومن اجلك
كل هموم العالم تهون اذا وجدت انسانا يفكر معك ومن اجلك
كلام جميل قريته كتير وانك تعيشه عمرك مهتبقى حزين تخيل انك فى مشكلة ومحدش يعرف وفجأة لقيت حد بيتصل بيك بيسألك عن حالك ويقولك انا قلقان عليك طمنى مالك
فجأة هتلاقى سيل من دموعك بيجرى وبكل جوارحك بتحكى عن اللى محيرك مش بالذمة احساس جميل لمل يكون لك حبيب او حتى صديق يفكر فيك وينسى نفسه انا عارفة ان ده مجرد كلام وده مبقاش موجود لان القلوب اتبدلت واتحجرت ولاقرب ماليه جرحت
ايه رأيكم فى عالم مليان بالحب عالم ماليان بالاخلاص والايثار ايه رأيكم لو نبدأ بنفسنا نبدأ نحس ببعضنا وبدل الجراح نبدأ نرتاح يلا نرجع الحب من تحت الانقاض ابدأ وحب نفسك واقبلها زى ما هى ثق فى نفسك حب اهلك حب بلدك حب صحابك وتخيل حياتك وانا هبدأ بنفسى انا فى الحظة دى متصالحة مع العالم وبقولكم بحبكم كلكم وبحب اهلى وجرانى وصحابى حتى اللى جرحونى انا مسامحاهم كلهم
الحياة حلوة
الابتسامة حلوة
الصداقة حلوة
الدنيا مدالقك ايدها مد ايدك وعشها وافتكر دايما ان العمر لحظة وبنعشها