الشباب والمستقبل بقلم / محمد سرحان

إذا سألت أى من الشباب فهذه الأيام انت خايف من ايه هيرد وبدون تردد انا خايف من بكره
ويا ترى لما اخلص هشتغل ايه وفين وايه هيكون شكل بكره .
فإيه رأيكم كل واحد يقول رايه فى المستقبل واللى عنده مشكله يقولها
وهيا بنا جميعا نتعاون لإيجاد حلول لمشاكلنا بشكل ايجابى.
نسأل الله الهداية والتوفيق .
أخوكم / محمد سرحان

موضوع تستحق عليه التحية فعلاص موضوع جميل وانا بشارك معاك فى الموضوع وياريت يكون معمم على مرصفا على وجه الخصوص لان مرصفا انا بعتبرها هى مصر فى كل شيء فى الرياضة فى السياسة والمذاهب فى الجدال والنقد وخصوصا السياسي فى كل شيء وخلينا نحدد اول موضوع وهو الجواز والارتباط وازاى اى شاب دلوقت ممكن يتجوز ولا حتى يرتبط بحد وهو مش عارف اى حاجة فى بكرة بتاعة وكمان الناس اللى مسفرة مش ذنبهم انهم خلو الناس اللى مش مسفرة تنفر من انها تتقدم لوحدة دلوقتى اللى مسافر جاهز وبيعلى فى السعر عشان الجواز بقه زى البضاعة اللى يدفع اكتر يشيل
وكل يوم نطلع قوانين جديدة وتقاليع جديدة واشي مناسبات واشى عوايد ليه كل الكلكيع اللى احنا بقينا نحطها قدام الشباب
ازاى وامتى وفين ممكن واحد عاقل يفكر فى الارتباط خلينا نقول احنا فين من زمان الكل كان فى بيت واحد دلوقت
العروسة لها الشقة الخصوصى وبكرة هتطلع تقليعة الخدمات وتنتشر كمان وربنا يستر علينا
طب اية الحل وفين شكل الجواز زمان وايه شكلة دلوقت وايه لزوم كل المصاريف بتاع اليومين دول وكتير وكتير افيدونى واطلب رائيكم

موضوع متميز وملقاش ردود كتير ازاى
مشاركتى ااويد زائر جديد فيها
فينك يامحمد وفين موضوعاتك
عوزين نشوفك معانا

موضوع جميل وانا اشارك معك يا محمد فى الموضوع
واحب ان اقول ان المستقبل بيد الله هو الوحيد القادر على تغيره ولكن ذكر لنا فى محكم اياته (( ان الله لا يغير مابقوم حتى يغيروا ما بانفسهم )) فانا ارى من وجهة نظرى المحدودة وعلى المستوى الشخصى وادعو كل الشباب ان يتمسكوا بحبل الله جميعا ففيه النجاة من المهالك وهو الذى يقدر لنا الخير والشر كلاهما خير لنا
واريد ان اقول ان الموضوع الان ان كل شاب لازم يشوف الحقيقة ولا يجلس ينتظر ولابد من السعى للعمل اى عمل مهما كان ضئيلا فلابد له ان يرفع من شأن عمله ويبدع فيه ولكل مجتهد نصيب
ولابد ان نغير من انفسنا ولا نجلس نريد من يغير لنا الوضع فلابد من صحوة فى معشر الشباب ولابد من تغير وضعك انت بنفسك
فعلى سبيل الذكر اذكر لكم مثل انتم تعرفونه بل تشاهدونه كل يوم وفى مرصفا
نحن نقول ليس فى بلدنا فرص عمل لكى نعمل بها فلكم عبرة يا الى الالباب لعلكم تتفكرون هناك شباب من الصين يجولون الشوارع المصريه يبيعون بضائع فى كل بلد وفى ارجاع الجمهورية فانا شخصيا لى معارف واصدقاء فى كل مكان ذكروا لى انهم يشلهدون الشباب الصينين يجولون الشوارع ويبيعون وطالما انهم مازالوا يجولون فلابد انهم يكسبون من هذا المشروع
فلنا منهم درس قالشباب الصينى وما ادراك ما الصين هى من البلاد صاحبة اقوى اقتصاد فى العالم جاءوا ليخبرونا ان فى مصرفرص عمل متوفرة ولكن المصريون هم اللذين لا يريدون العمل الا تعلموا ان الشباب الصينى يجولون الشوارع ليحلقوا للرجال فى منازلهم ويصففون شعر النساء ويضعون لهم الميكياج ايضا وخلافه من مواضيع الحريم الخاصة
فلابد من السعى ولا تنتظر ياصاحب البكالريوس او ياصاحب الشهادة العالية المكتب يُمسح لك وتجلس عليه فانت فى دار الشقاء فلابد من الشقاء فيها
اسف على طول الرد ولكن هذا ما اريد ان اقوله

اخوكم
محمد عابد

بسم الله الرحمن الرحيم

الشباب والمستقبل.......
مشكور أخى / محمد على طرحك للموضوع
الشباب هم أمل الأمة وعدتها في الحاضر والمستقبل، ولذلك فإن المجتمعات المتقدمة تنفق كثيراً من المال والجهد من أجل الاستفادة من طاقاتهم، والتخطيط لتفعيل دورهم ومحاولة القضاء على البطالة لديهم بشتى الوسائل. أما فى بلادنا وللأسف الشباب محيطون بالاحباط واليأس مما يحدث فى البلد فنحن يا سادة فى بلد الوسائط والمعارف ( الكوسة ) وبهذا نعد الدولة الوحيدة الذي يصل فيها نسبة ( الكوسة ) الى 90% لذلك الان لا يقول الشاب عندما اتخرج سوف أعمل فى مجال كذا صار يقولون عندما أتخرج من الجامعة عندي (عمو مش عارف مين وصاحب بابا مين ) يعني صار الاعتماد على الغير أسباب رئيسية لأهدافنا وأحلامنا وده ليس بسببنا نحن الشباب ولكن لأسباب كثيرة منها الجو المحيط بنا

ويتكرر الحديث لدينا عن سلبيات الشباب وعدم اهتمامهم أو لامبالاتهم ونسمع أحياناً من يقول: اتركوا الشباب فإنهم يحتاجون إلى الترفيه والاستمتاع بحياتهم، أو دعوا الشباب يمارسون هواياتهم وسيأتي اليوم الذي يشاركون بالعمل أو يلتحمون بمشاغل الحياة ولكن يفاجأ الشاب بالحقيقة المرة والواقع المرير .

لكن المشكلة أن بعض الشباب أصبحوا أكثر تعلقاً بمتابعة الرياضة والترفيه ومشاهدة القنوات الفضائية وسماع الأغاني دون التركيز على ما يفيدهم
الله يوفقنا جميعاً إلى ما يحبه ويرضاه

أحمـــد ،،،

زائر

موضوع جميل جدا ومهم وكل الاراء فيه جميلة جدا وانا بأيدها واللى عايز يوصل لحاجة بيوصلها بالثقة فى الله والاصرار الحقيقى هيقدر يوصل لكن المشكلة معظم الشباب المصرى عايز كل حاجة على الجاهز ونسيو ان اللى بيجى بسرعة بيروح بسرعة
اقر مثال ان يبص لنفسه محدش فينا اتولد كبير كلنا كنا اطفال وخطوة خطوة كبرنا لازم نقتل يأسنا انا معاكم ان فعلا دلوقتى الوسطة هى السايدة ومن غيرها هتشتغل شغلانة مش اد كده لكن صاحب الشركة اهم حاجة عنده المكسب لما انت تراعى ربنا فى شغلك وتحبه ربنا هيوفقق واكيد مسيرك هتترقى
ولا تنسى حب ما تعمل حتى تعمل ما تحب
ياريت ننظر للمستقبل بتفائل ومهما خسرنا نقف ونقول مسيرنا نكسب