فتاة احلامي

السلام عليكم ورحمة الله وبركاته

اكيد كل واحد فينا حلم او بيحلم بفتاة احلامه
اكيد كل انسان له تصور خاص وصفات مميزة بالانسانة اللي هيرتبط بيها
هنا بقي في الموضوع ده انا كتبته لكل واحد
بيقدر يعبر عن فتاة احلامه ايه هي الصفة اللي ممكن تحبها عشانها
بس عايز ازود حاجة كمان فتاة الاحلام مش بس
لازم تكون امرأة لا ممكن تكون حياتك اللي
انت عاوزها ويتتمناها
ممكن تكون بلدك وبتحلم تبقي عاملة ازاي ........
وهكذا يعني
المهم بقي المطلوب ايه من الموضوع ده
بصو هي دي زي مسابقة كل واحد يدخل ويكتب
مقطوعة صغيرة بيت او بيتين او جزء من
قصيدة من تأليفه يقدر
يعبر بيه عن فتاة احلامه ايا كانت بقي
وممكن كل واحد يكتب اكتر من رد براحتو بس مش
مايكونوش متتاليين ورا بعض
وياريت كل واحد كمان لو امكن يفسر تعليقه
ماشي يا جماعة ؟

مستني بقي اشوف شعراء مرصفا

اتمني المشاركة الايجابية

شكراااااااااااا

زائر

مينفعش مواصفات فتى الاحلام ؟؟؟ ولا الموضوع للرجال فقط

انا اسف نسيت اوضح النقطة دي
طبعا الموضوع مفتوح للجميع
وانا اتكلمت بصفة المذكرللعموم بس
ياريت الكل يشارك

ايه يا جماعة هو مفيش حد عايز يشارك ؟؟؟؟
طب انا هرد واقول وصف فتاة احلامي

فيه اغنية انا كنت كاتبها في الاول لمصر
بس بعد كده لاقيتها حودت مني كده ولاقيتني بتكلم عن مواصمات
اللي انا بحبها
شوفتها في الاغنية دي

الاغنية كلها مش مهمة قوي ومش جميلة قوي يعني
بس فيها بيتين عجبني قوي

بيقولو ايه

بتغطي بنورها ضي الشمس
وكلامها كانه همس في همس
وخدودها زهور وعيونها بحور
والكون بيدور حوالين بيتها

واللي عاجبني قوي فيهم انهم فيهم متناقضات جامدة قوي
يعني تلاقي ضي الشمس القوي جدا وبينور الدنيا كلها
يجي بعديه الهمس اللي يدوب بيتسمع بالعافية
وده في واحده بس
يعني
وانا اول مرة اعجب قوي بحاجة انا كتبتها بالشكل ده
معرفش ليه

ياريت المشاركة

زائر

متخفش يا عبده انا عرضى برضه وهرد عليك
بس متزعلش منى مش عشان اقارب هنجامل بعض
مبقاش فى الزمن ده حاجه اسمها فتاه الاحلام
والله صدقنى سيبها لله احسن

بص يا عادل عايز اقولك حاجة بس ياريت تفهم كلامي
انا لما كتبت الموضوع ده مكنش قصدي بس بفتاة الاحلام انها
تكون البنت اللي هتتجوزها لا انا كان قصدي كمان الحياة اللي بتتمناها
وبلدك اللي تحب تشوفها وتعيش فيها
وانا عارف ان كله علي الله وسايبها لله طبعا
بس من حقي احلم وارسم في حياتي اللي انا عايزه واسعي لتحقيقه
ولو ماحصلش هرضي بنصيبي طبعا بس اعمل اللي عليه

دي حاجة الحاجة التانية بقي انا عامل ده للناس اللي بيحبو الشعر يعني يعبرو عن
نفسهم وعن احلامهم وطبعا الشعراء اصحاب الاحلام اللي مالهاش حدود

وحلو ان احنا نكون راضيين بس كمان لازم نسعي ان احنا نحسن من وضعنا
والا مش هنطور ابدا ولا نتقدم

وشكرا ليك يا عادل علي المشاركة
وياريت تكون فهمت كلامي