خريطة الدم للابنودى من احمد عبدة

ومن الزوايا والاركان

خرج الطوفان...الوفات شبان

اصعد يادخان

ابعد يا شيطان

اجبن يا جبان

رجع الاسم ورجع العنوان

يغلى البركان

ويفور...ويدور

اتهد السور..طلع الانسان

الصدر العارى علية الوشم

خريطة الدم..فلسطين

يا احلى الاوطان

مين قال بعنا...مين قال ضعنا

يا تمانية واربعين كدابة..وكدابة يا سبعة وستين

التار لة نار طى الكتمان

واليوم يا خليل..يا جليل..يا بيت لحم

الاعلان
يا صوت الطفل اللى بيحررنى ف بلدى

بارك ربى ..فيك يا ولدى

يا ..نهر النار الفايرة اوعى تبطل جريان

درعات الوحش الغاضب.. اصوات كروان

راجح..فالح..مازن..مروان

واخدنا بتارك...يا غسان

يا ..كمال ناصر..دمك حاصر

اعدائك ..مش بس فى لبنان

يا ماجد ابو شرار...جينا..دمك فينا

لسة سامعينك تنادينا

ما عدتش الدمعة مكتومة

صبحت صرخة

صبحت صرخة روح محمومة

تصفح روما

ع الكتف نشيلو سرير الفندق ونشيلك

مواويل الثورة ..مواويلك

تحت قميصك غنوة شهدا

من كل مخيم..زاحفة يا ماجد تحت الثورة تغنيلك

عطر ..الانبيا..فى مناديلك

اولادك يابو شرار بالطوب عدلو المقلوب

شطبوا كل القدر المكتوب

فتحوا بوابة الفجر ..وواجهو الغدر

وصاحو يا..فلسطـــــــــــــــــــــــــــــــــــــين

يسقط كل الكدب العربى

يسقط كل الاخوة الخاينين

نرسم بالدم خريطة للاوطان..اتفلت الجان

والمسجون قام..ياكل السجان

دارت ..دارت

العجلة والدنيا احتارت

دارت دارت..لعبتهم بارت

قوتهم ..خارت...وانهارت

والدايرة ..على الباغى دارت

دارت دارت

يا دنان..الكبت..الظلم..القهر..على الطرقات

فااااااااااااااااااااااااااارت

ومخيم بات..وصبح ميدان

الدنيا اتحطت ..واتشالت

اطفال الارض المحتلة

اطفال الدنيا المختلة

اطفال السنوات السودا

رفضوا الذلة

يا كل العرب المعروبة

يا راس العرب المقلوبة

يا جيوش النصر المغلوبة

رجعت ارواحنا المنهوبة

رجعت ارادتنا المسلوبة

بنحارب بالصوت والطوبة

اصحاب الارض الاصليين

اصحاب النور والليل والطين

نبت فلسطين..اصل..فلسطين

روح الامة..ازاى لا جئين؟

ازاى لاجئين؟؟؟؟

اهداء
الى المنتدى
والافاضل
عمـــــــــــــــاد ســـــــــــــــــــــــليم
محمـــــــــــــــــــــد عابــــــــــــــــد
عبد الفـــــــــــــــتاح العرضـــــــــى
عاااااااااااااااااااااشق الشعـــــــــــــر

وجميع الاخوة على المنتدى

احمد عبدة

طبعا يا عم احمد الكبير مش بيختار غير للكبير
وبيختار احلى مكتب وقال الكبير
يارب اشوفك فى يوم زى ناس حلوه كتير
وبشكرك يا سيدى على الاهداء
ويارب دايما متقدم ومتفوق
الى الامام ياشاعر يا كبير

تقبل مرورى

الله الله الله الله الله
الله الله الله الله
الله الله الله
الله الله
الله
مقدرش اقولى حاجه غير كده

شكرررررررررررررا

اخى عاشق على كلامك الجميل دة

وشكرااااااااااااااااااااااااااااا

اخ محمد على تشجيعك

احمد عبدة

انا متأكد انى مريت على القصيدة الجميلة دى
وسبت تعليق عليها يارب ميكونش بتخيل
لان بجد كلماتها جميلة وهى فعلا
عمل يستحق التحية
وكل التحية لك يااحمد لانك تاتى لنا بالمتميز دائماً

طبعا الواحد لما يبقا رايق عاوز يقراء كتاب
امال انا ادخل منتدى مرصفا واقراء واعلق على الموضوع
لكن الكتاب مقدرش اعلق عليه
وبامانه الكلام جامد
للمره الثانيه